Uyghur rayonidin paxta toqumichiliq mehsulatlirini sétiwélishni toxtatqan xelq'ara shirketler köpeygen

Muxbirimiz erkin
2019-11-13
Élxet
Pikir
Share
Print

Uyghur rayonidiki kishilik hoquq depsendichiliki we mejburi emgek seweblik rayondiki xitay karxanilirining paxta toqumichiliq mehsulatlirini sétiwélishni toxtatqan xelq'ara shirketlerning köpiyiwatqanliqi ilgiri sürüldi. BBC Ning xewer qilishiche, nöwette adidas, éspirit H&M qatarliq dangliq xelqara shirketler Uyghur rayonigha chétishliq paxta toqumichiliq mehsulatlirini sétiwélishni toxtatqan. Yéqinda yaponiyening muji, uniklo, namliq ikki dangliq kiyim-kéchek shirkitining Uyghur rayonida ishlepchiqirilghan paxta toqumichiliq mehsulatlirini réklam, yeni élan-sen'et qilip tonushturghan. Bu ikki shirketning xitay hökümiti lagérlardiki 2 milyondek Uyghur, qazaq we bashqa musulman tutqunlirining bir qismini, shundaqla tutqunlarning a'ile ezalirini rayondiki xitay paxta toqumichiliq karxanilirida mejburi emgekke sélip, xelq'ara emgek we kishilik hoquq ölchemlirige éghir xilapliq qilish bilen eyibliniwatqan bir mezgilde bu réklamni chiqirishi kishilik hoquq teshkilatlirining qattiq tenqidige uchrighanidi.

BBC Ning xewiride qeyt qilinishiche, xelq'ara bésim téximu köp xelqara shirketlerni Uyghur rayoni bilen bolghan sodida téximu éhtiyatchan bolushqa mejburlimaqta iken. Adidas shirkiti BBC gha bergen bayanatida, özlirining rayondiki xu'afu kiyim-kéchek shirkiti we shuninggha oxshash karxanilar bilen héchqandaq toxtimu yoqliqi, emma özlirining "Nöwette bu mesilini tekshüriwatqanliqi" ni bildürgen. 

Adidas shirkitining bayanatchisi "Biz bizni matéri'al bilen teminligüchi shirketlerge bizning tekshürüshimiz axirlashqiche xu'afu shirkitining mehsulatlirini zakas qilmasliqqa buyriduq" dégen. 

Xitayning aqsudiki "Xu'afu kiyim-kéchek shirkiti" dangliq xelq'ara shirketlerni mehsulat bilen teminlep kéliwatqan karxanilarning biri bolup, mezkur karxana lagérdiki tutqunlarni mejburi emgekke sélish bilen eyiblinip kelgenidi. B b s ning xewiride qeyt qilinishiche, éspirit shirkitimu özlirini matériyal bilen temin'güchi karxanilargha xu'afu shirkitining mehsulatlirini ishletmeslik heqqide buyruq chüshürgenlikini bildürgen. Halbuki, amérikaning H&M shirkiti özlirining Uyghur rayonidiki héchqandaq bir karxana bilen alaqisi yoqliqini ilgiri sürgen. Mezkur shirketning bildürüshiche, ular xu'afuning ichkiridiki bir karxanisi bilen wasitiliq soda alaqisi qilidiken.

Toluq bet