خىتاي يېزا - ئىگىلىك بانكىسى نيو - يوركتىكى بانكا باشقۇرغۇچىلارغا 250 مىليۇن دوللار جازا تۆلەمى تۆلەيدىغانلىقىنى بىلدۈرگەن

مۇخبىرىمىز جۈمە
2016.11.06

خىتاي يېزا - ئىگىلىك بانكىسى 4 - نويابىر كۈنى نيو - يوركتىكى بانكا باشقۇرغۇچىلارغا 250 مىليۇن ئامېرىكا دوللىرى جازا تۆلەمى تۆلەيدىغانلىقىنى ئېلان قىلغان.

مەلۇمكى، يېزا - ئىگىلىك بانكىسى خىتايدىكى ئەڭ چوڭ بانكىلارنىڭ بىرى بولۇپ، يېقىندا نيو - يوركتىكى بانكا باشقۇرغۇچى ئورگان خىتاي يېزا ئىگىلىك بانكىسىنى پۇل يۇيۇشقا قارشى قانۇنغا خىلاپلىق قىلغان، دەپ سوتقا ئەرز قىلغان. بۇنىڭ بىلەن جۈمە كۈنى خىتاي يېزا - ئىگىلىك بانكىسى بايانات ئېلان قىلىپ، 250 مىليۇن دوللارلىق جازا تۆلەمىنى تۆلەشكە قوشۇلىدىغانلىقىنى بىلدۈرگەن.

ئامېرىكا مالىيە مۇلازىمىتىنىڭ نيو - يورك شۆبىسى يېقىندا خىتاي يېزا - ئىگىلىك بانكىسىنىڭ يوشۇرۇنچە پۇل يۇيۇش ئېلىپ بېرىپ ئامېرىكىنىڭ پۇل يۇيۇشنى چەكلەش قانۇنىغا خىلاپلىق قىلغانلىقىنى بايقىغان.

ئىگىلىنىشىچە، خىتاي يېزا - ئىگىلىك بانكىسى بۇ سەتچىلىكنىڭ خەلقئارادا زور غۇلغۇلا قوزغىشىنىڭ ئالدىنى ئېلىش ئۈچۈن دەرھال ئىنكاس قايتۇرۇپ، جازا تۆلەمىنى تۆلەيدىغانلىقىنى بىلدۈرگەن.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.