Хитайниң америкада турушлуқ йеңи баш әлчиси хитайни сабиқ совет иттипақиға охшатмаслиқни тәләп қилған

Мухбиримиз әркин
2021-09-01
Share

Хитайниң америкада турушлуқ йеңи баш әлчиси че гаң америкадин хитайни сабиқ совет иттипақиға охшатмаслиқни, униңға қилған муамилини қилмаслиқни, икки тәрәпниң мәсилилирини иҗабий һәл қилиши үчүн техиму көп алақә қилишини тәләп қилған.

Чен гаң бу йил 7-айниң ахирлири хитайниң америкадики баш әлчилик вәзиписини өткүзивалған иди. Көзәткүчиләрниң ейтишичә, нөвәттики америка-хитай мунасивәтлириниң җиддийликини нәзәрдә тутқанда, чен гаңниң бу сөзиниң тони көп юмшақ икән

Чен гаң бу сөзләрни 31-авғуст күни американиң сабиқ ташқий ишлар министири һенрий кессингер, сабиқ трамп һөкүмитиниң ярдәмчи ташқий ишлар министири сузан торнтон қатарлиқлар билән биллә қатнашқан бир тор йиғинида ейтқан. Чен гаң президент трампниң "чекидин ашқан" позитсийәси икки тәрәпниң мунасивитигә зиян салғанлиқи, вәзийәтниң техичә яхшиланмиғанлиқини билдүргән болсиму, бирақ униңға сәвәб болған амилларни тилға алмиған.

Хитайниң җәнубий деңиздики һәркити, уйғурларға қарита ирқий қирғинчилиқ қилиши, хоңкоңлиқларни бастуруши, қаидә-қанун асасидики хәлқара тәртипни ‍өзгәртишкә урунуши, корона вируси мәсилиси, техника оғрилиши, тәйвәнгә тәһдит селиши қатарлиқ амиллар икки тәрәп мунасивитиниң җиддийлишишигә сәвәб болған иди.

Чин гаң икки тәрәп мунасивитигә зиян салған амилларни түзитиш үчүн хитай тәрәпниң немиләрни қилидиғанлиқини ейтмиған. Униң ейтишичә, американиң "күчлүк орунда" туруп, хитайни бир тәрәп қилиш арқилиқ "риқабәт әвзәллики" гә еришмәкчи болуши, "хата чот" соққанлиқ болидикән. У "хитай хәлқ җумһурийитиниң сабиқ совет иттипақи әмәслики", "сабиқ совет иттипақиниң һалак болуши пүтүнләй униң ‍өзиниң һәрикити" икәнликини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт