Америка һөкүмити хитайни давамлиқ иқтисад, малийә ислаһати елип беришқа үндиди

Америка малийә министири җәк (җәйкоб) лев җүмә күни хитай муавин баш министири ваң яң билән телефон сөзлишип, хитайни давамлиқ иқтисади, малийә ислаһати елип беришқа үндигән. Хитайниң йеқинда туюқсиз хәлқ пули курсини чүшүрүши америкиниң диққитини қозғиған.

Фирансийә агентлиқиниң ашкарилишичә, җәк лев хитайниң очуқ ашкара болуш, пул курсини базар арқилиқ тәңшәш қатарлиқ саһәләрдики малийә ислаһатида бәзи қәдәмләрни атқанлиқи, бирақ униң давамлиқ ислаһат елип берип, һазирқи иқтисад експортни йөләнчүк қилидиған әһвални, ички истималға тайинишқа өзгәртиши интайин зөрүрлүкини билдүргән. У, "бу әһвал америка-хитай һәр икки тәр әпниң мәнпәитигә пайдилиқ" дегән.

Америка хәлқ пулиниң базар арқилиқ тәңшәшни тәләп қилип, изчил хитайға бесим ишлитип кәлгән иди. Бирақ хитай иқтисадий тәрәққиятниң астилишиға қарита йеқинда туюқсиз хәлқ пулиниң курсини 8.2 Пирсәнт чүшүргән.

Америка болса хәлқ пулиниң курси чүшүп, долларниң хәлқ пули оборотидики қиммити өрлисә, бу хитай иқтисадиниң давамлиқ експортқа тайиниши күчәйтишидин әндишә қилған.

Иқтисадий мәсилә хитай рәиси ши җинпиң билән обаманиң келәр ай вашингтонда өткүзидиған сөһбитидики мәркизи темиларниң бири.

Буни бесиш арқилиқ, пикриңизни йезиң

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар