Хитай һөкүмитиниң үч милйон мо йешиллиқ бина қилиш пилани гуман қозғимақта

Мухбиримиз әзиз
2020-03-31
Елхәт
Пикир
Share
Принт

Хитай бойичә һәммила җайда «таҗсиман вирусниң контрол қилинғанлиқи» тәшвиқ қилиниватқанда уйғурлар дияридики хитай һөкүмәт тармақлириниң 2020-йили икки милйон мо орман бина қилиш, шу арқилиқ «чөллишип кәткән үч милйон мо йәрни йешиллаштуруш» ни ишқа ашурмақчи болуши зор гуман қозғимақта.

«Хитай хәвәрлири тори» ниң 31-марттики хәвиридә ейтилишичә, бу йилқи көкәртиш пиланида ақсу, қумул, ғулҗа, алтай қатарлиқ җайлар асасий нуқта болуп, уйғурлар көп санлиқни тәшкил қилидиған қәшқәр, хотән қатарлиқ җайлар тилға елинмиған.

Хитай даирилириниң екологийәлик қаидиләргә еғир хилаплиқ қилип, уйғурлар диярида су мәнбәсини контрол қиливелиши һәмдә қалаймиқан боз йәр ечиши сәвәбидин һесабсиз йәрләрни қум бесип кәткәнлики йиллардин буян һәрқайси саһәниң тәнқидигә учрап кәлгән иди. Әмдиликтә хитай вирус вәһимисидә қеливатқанда уларниң уйғурлар диярида йешиллиқни кеңәйтишкә урунушини бәзиләр «хитай һөкүмитиниң бундин кейинки техиму зор көләмлик хитай көчүрүш һәрикитиниң тәйярлиқ хизмәтлириниң бири болуши мумкин» дәп қаримақта.

Пикирләр (0)
Share
Толуқ бәт