خىتاينىڭ سانائەت ئىشلەپ چىقىرىش مىقدارى دېكابىردا ئەڭ تۆۋەن چەككە چۈشكەن

مۇخبىرىمىز جۈمە
2015-01-01
Share

خىتاينىڭ سانائەت ئىشلەپ چىقىرىش مىقدارى دېكابىردا 2014- يىلىدىكى ئەڭ تۆۋەن چەككە چۈشكەن.

خىتاي ستاتىستىكا ئىدارىسىنىڭ پەيشەنبە كۈنى بىلدۈرۈشىچە، خىتاينىڭ دېكابىردىكى خام ئەشيا سېتىلىش كۆرسەتكۈچى نويابىردىكى 50.3 پوئىنتتىن 50.1 پوئىنتقا تۆۋەنلىگەن.

ھالبۇكى، ئەنگلىيە ئىگىدارچىلىقىدىكى HSBC يەنى «خۇي فېڭ» بانكىسى ئۆز ئالدىغا ئېلان قىلغان سانلىق مەلۇماتتا، خىتاي سانائەت ئىشلەپ چىقىرىش مىقدارىنىڭ نويابىردىكى 50 پوئىنتتىن تۆۋەنلەپ دېكابىردا 49.6 پوئىنتقا چۈشكەنلىكىنى بىلدۈرگەن.

خام ئەشيا سېتىۋېلىش كۆرسەتكۈچى دۆلەت ئىچىدىكى زاۋۇتلارنىڭ ئىشلەپ چىقىرىش ئەھۋالىنى كۆرسىتىدىغان بولۇپ، ئەگەر بۇ سان 50 پوئىنتتىن تۆۋەنلىسە، ئۇ، شۇ دۆلەت ئىقتىسادىنىڭ چېكىنگەنلىكىدىن دېرەك بېرىدىكەن.

خىتاي دۆلەتلىك ستاتىستىكا ئىدارىسى بۇ ھەقتىكى باياناتىدا: ئۆسۈش يەنىلا كۆرۈنەرلىك ئەمەس، دېگەن.

خەۋەرلەردە كۆرسىتىشىچە، بۇلارنىڭ ھەممىسى خىتاي ئىچىدىكى ئۆي-مۈلۈك بازىرى ۋە ئىستېمال ئېھتىياجنىڭ تۆۋەنلىگەنلىكىنى كۆرسىتىدىكەن.

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت