Хитай сиясий кеңишиниң муавин рәиси тор контроллуқини тәнқид қилған

Мухбиримиз үмидвар
2017-03-05
Share

Хитай мәмликәтлик сиясий кеңәшниң бир нәпәр муавин рәиси хитайниң тор тәкшүрүш вә назарәт қилиш түзүмини ашкара тәнқид қилған.

Б б с агентлиқиниң хәвәр қилишичә, хитай мәмликәтлик сиясий кеңишиниң муавин рәиси ло фухе 1-март күни, йәни хитай сиясий кеңәш йиғини ечилиш һарписидики мухбирларни күтүвелиш йиғинида өзиниң оттуриға қоймақчи болған тәклип лайиһәсини тонуштурған.

Мәзкур сиясий кеңәш муавин рәиси сөзидә нөвәттә хитайниң ичидин чәтәл тор бәтлирини зиярәт қилиш сүритиниң астилап кетиватқанлиқи һәм назарәтниң күчлүк икәнлики, бу әһвалларниң хитайниң иқтисади тәрәққияти вә илим-пән тәтқиқат ишлириға сәлбий тәсир көрситиватқанлиқини илгири сүргән.

Униң қаришичә, чәтәл торлирини зиярәт қилишқа қарита ечиветиш вә раваҗландуруш еһтияҗини тәмин етиш керәк. Униң ейтишичә, тәкшүрүш доклатиға асасән, һазир хитайда ишләватқан чәтәллик мутәхәссисләр, алимлар, яки чәтәлдин тәтил мунасивити билән хитай һәм хоңкоңға кәлгәнләрниң өзлириниң чәтәлләрдики университетлири яки тәтқиқат орунлириниң торлириға кириши вә мунасивәтлик тәтқиқат материяллирини көрүши тәскә тохтайдикән, һәтта чәтәлләрдики ширкәтләрниң торлириға киришму тәс икән.

Мәлум болушичә, хитай чәтәлләрдики көплигән учур-ахбарат торлириниң хитайда көрүлүшигиму қаттиқ тәдбир қолланған болуп, тибәт, тәйвән вә уйғурларға аит сәзгүр сөзләр һәм темиларға қарита тәкшүрүш һәм тосушни күчәйткән, һәтта там атлап киришниму қаттиқ тосуватқан болуп, буни қанунсизлиқ категорийәсигә киргүзгән иди. Әлвәттә, уйғурларниң чәтәлләрдики уйғур тилидики тор бәтләргә кириши қаттиқ чәкләнгән вә назарәт астиға елинғанлиқи мәлум.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.