Америка дөләт мәҗлиси әзалири: "әгәр хитай компартийәси корона вирусиниң мәнбәси тәкшүрүшкә йол қоймиса, уларни җазалаш керәк"

Мухбиримиз җәвлан
2021-06-23
Share

Америка дөләт мәҗлисидә хитайға қарши турушта қаттиқ қоллуқи билән билингән кеңәш палата әзаси марко робийо дүшәнбә күни (21-июн) мәҗлискә "2021-йиллиқ корона вабаси қанун лайиһәси" сунған болса, җумһурийәтчи авам палата әзаси майк галигер сәйшәнбә күни (22-июн) "2021-йиллиқ корона вирусиниң мәнбәсини сүрүштүрүш қанун лайиһәси" сунған. Бу иккийлән оттуриға қойған қанун лайиһәсидә көрситилишичә, әгәр хитай һөкүмити мустәқил бир хәлқаралиқ тәкшүрүш гурупписиниң хитайға берип, вухән вирус тәтқиқат орни вә башқа тәҗрибиханилирида корона вирусиниң мәнбәсини тәкшүрүшигә йол қоймиса, хитай һөкүмити вә хитай алимлириға җаза йүргүзүлидикән.

Марко робийо өз баянатида мундақ дегән: "хитай компартийәси корона вирусиниң мәнбәсини омумйүзлүк тәкшүрүшни халимайду. Америка чоқум уларни һәмкарлишишқа мәҗбурлиши керәк. Буниң үчүн қилидиған биринчи иш, америка һөкүмитиниң хитай тәтқиқат орунлириға бериватқан ярдимини үзүш. Андин биз бу орунларниң рәһбәрлиригә җаза йүргүзүшимиз керәк. Америкиниң хәлқара җәмийәткә йетәкчилик қилип, вухән тәҗрибиханисини сәһийә қануни җәһәттин тәкшүридиған вақти кәлди".

Илгири гәрчә дуня сәһийә тәшкилати-хитай бирләшмә тәтқиқат гурупписи бу йилниң бешида вухәнни зиярәт қилған болсиму, вирусниң вухән тәҗрибиханисидин тарқилип кәткәнликини асасий җәһәттин инкар қилғаниди. Әгәр хитай бу қетим вирусниң мәнбәсини тәкшүрүшкә давамлиқ тосқунлуқ қилса, байден һөкүмити қандақ җаза тәдбири қоллиниду? бу техи ениқ әмәс икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт