Xitay hökümiti "Ikki yüzlimichi" dep tutqan Uyghur ziyaliy we kadirlirini "Térrorluqqa" baghlap eyiblidi

Muxbirimiz erkin
2021-04-02
Share

Xitay hökümiti 1-aprél bir teshwiqat widéyosi élan qilip, 2017-yil bashlan'ghan chong tutqunda "Ikki yüzlimichi" dep tutulghan Uyghur kadirlirini "Térrorluqqa" we "Bölgünchilikke" baghlap eyibligen. Xitayning chet'ellerge qaritilghan teshwiqat qaniliCGTN da tarqitilghan "Kölenggüdiki urush" namliq teshwiqat widéyosida, xitay hökümiti teripidin tutqun qilinip hazirgha qeder iz-dériki bolmighan bezi Uyghur kadirlirini chiqirip, ularni atalmish "Térrorluq", "Bölgünchilik" bilen baghlinishliq bolghan "Ikki yüzlimichiliki" ni iqrar qildurghan.

Bu widéyoning gherb elliride xitayning Uyghurlargha "Irqiy qirghinchiliq" qiliwatqanliqini étirap qilidighan döletler barghanséri köpiyip, gherbning jazasigha duch kéliwatqan mezgilde élan qilinishi diqqet qozghidi. Widéyoda Uyghur aptonom rayonluq siyasiy qanun komitétining mu'awin mes'uli shirzat bawudun, ma'arip nazaritining mu'awin naziri sattar sawut, hökümet bash katipi alimjan memtimin, shuningdek shinjang ma'arip neshriyatining shehide yüsüp, süreyye mirqedem qatarliq tehrirlirini sözletken.

Widéyoda shirzat bawudun "Sherqiy türkistan islam" partiyesining xelipilik qurushigha maslashqan, yazghuchi yalqun rozi, neshriyatchi wahitjan osman qatarliqlar kitab tüzüp bergen, sattar sawut, alimjan memtimin, tahir nasir, abdurazaq sayim qatarliq ziyaliylar bu ishni perde arqisida turup pilanlighan, dep eyiblen'gen. Biraq bu widéyo d u q ning qattiq eyiblishige uchridi. Dunya Uyghur qurultiyi 1-aprél élan qilghan bayanatida, xitay hökümitining "Bu kishiler arqiliq özining kemsitish siyasitini perdazlighanliqini" ni éytqan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet