“һиндистан вақит гезити” хитай компартийисиниң динсизлаштуруш сияситигә инкас қайтурди

Мухбиримиз қутлан
2017-07-22
Share

Хитай компартийисиниң хәлқара канийи һесабланған “йәр шари вақит гезити” алдинқи күни хитай дөләт кабинетиға қарашлиқ диний ишлар идарисиниң башлиқи ваң зоәнниң баянатини елан қилған.

Диний ишлар бойичә берилгән мәзкур баянатта мундақ дейилгән: “партийә әзалири динға етиқад қилишқа болмайду. Бу барлиқ партийә әзалириға нисбәтән һалқип кетишкә болмайдиған бир қизил сизиқ. Партийә әзаси болидикәнсиз, чоқум қәтий бир атеист болушиңиз керәк, ундақ болмиса җазалинишқа тәйяр болушиңиз керәк.”

Баянатта йәнә “чәтәл күчлири диндин пайдилинип җуңгоға сиңип киришкә вә дөлитимизниң бихәтәрликигә тәһдит пәйда қилишқа урунуватиду,” дейилгән.

Ваң зоәнниң мәзкур баянати һиндистан таратқулириниң күчлүк инкасиға дуч кәлди. “һиндистан вақит гезити” 20-июл күни бу һәқтә инкас қайтуруп: “хитай компартийиси гәрчә өзини бир атеистик партийә дәп елан қилсиму, әмма хитай асасий қанунида "һәр бир пуқраниң динға етиқад қилиш әркинлики бар" дейилгән.”

Мәлум болушичә, хитайда 90 милйон компартийә әзаси бар болуп болуп, көзәткүчиләр, “нөвәттә хитайниң әң әнсирәйдиғини компартийә әзалириниң хитай компартийисигә болған етиқадиниң тәвринип қелишидур,” дәп қаримақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт