Хитай ш һ т йиғинида “террорлуқ тәһдити” ни көтүрүп чиққан

Мухбиримиз ирадә
2018.04.24
Share on WhatsApp
Share on WhatsApp

Хитай, шаңхәй һәмкарлиқ тәшкилатиниң бейҗиңда ечиливатқан йиғинида “террорлуққа қарши күрәш” ни әң муһим мәсилә, дәп тәкитлигән. Бирләшмә агентлиқиниң хәвәр қилишичә, сәйшәнбә күни, хитайниң мудапиә министири вейфең хе шаңхәй һәмкарлиқ тәшкилатиға әза дөләтләрниң мудапиә әмәлдарлири билән өткүзүлгән йиғинда сөз қилип, “террорлуқ тәһдитигә қарши күрәш қилиш нөвәттә биз музакирә әң қилидиған әң җиддий мәсилә” дәп көрсәткән.

Нурғун көзәткүчиләр хитай һөкүмитиниң уйғурларниң миллий мустәқиллиқ һәрикитини бастурушта қошна әлләрниң һәмкарлиқини қолға кәлтүрүш үчүн шаңхәй һәмкарлиқ тәшкилатини қурғанлиқини илгири сүриду.
Бирләшмә агентлиқи бу һәқтики хәвиридә: “хитай бу йиғинда террорлуқ мәсилисини мәркизи нуқта қилиш арқилиқ, өз дөләт ичидики болупму түрк тилида сөзлишидиған шинҗаң районидики наһайити аҗиз бөлгүнчилик һәрикәтлиригә террорлуқ маркиси чаплап туруп әтраптики қошна дөләтлириниң қоллишини қолға кәлтүрүшни арзу қилмақта” дәп язған.

Хитай һөкүмити уйғур елидә йүз бәргән наразилиқ һәрикәтлирини чәтәлләрдики ислам қораллиқ күчлиригә бағлап, хитайниң террорлуққа қариши уруш қиливатқанлиқини илгири сүрмәктә.

Һалбуки, америка дөләт ишлири министирлиқи җүмә күни елан қилған йиллиқ кишилик һоқуқ доклатида “хитай һөкүмитини уйғур елидә террорлуққа қарши күрәшни баһанә қилип туруп, һечқандақ дәлил испат көрсәтмигән әһвал астида, кишиләрни нәқ мәйданда етип өлтүрмәктә” дәп тәнқид қилған.

Көп көрүлгән хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.