Xoten layqa yéza bashliqi Uyghur yash teripidin pichaqlap öltürüldi

Muxbirimiz méhriban
2015-05-26
Share


26 - May seyshenbe küni ijtima'i uchur wastiliride, 5 - ayning 21 - küni xoten nahiysining layqa yézisining yéza bashliqining 19 yashliq Uyghur yash teripidin pichaqlap öltürülgenlik xewiri tarqaldi.

Shiwétsiyide tizimgha élin'ghan sherqiy türkistan teshwiqat merkizi torining xewiride déyilishiche, "Xotenning layqa yézisining mu'awin bashliqi wang 21 - may küni, tughqinining öyide yoshurun'ghan 19 yashliq bir Uyghur yigitni tépiwélip, uni yéziliq saqchixanigha mejburiy sörep mangghan. Saqchixanigha 12 métir qalghanda, bu yigit yénidin pichaqni chiqirip yéza bashliqining qorsaq qismigha pichaq salghan, yéza bashliqi saqchixanigha kirip ölüp qalghan. Uni pichaqlighan Uyghur yash kéyin saqchilar teripidin tutulghan.

Xewerde yene ölgüchi yéza bashliqining 12 yilliq xizmet tarixigha ige hökümetke sadiq, 50 yashlardiki aktip yéza kadiri ikenliki tilgha élin'ghan. Radiyomiz yerlik saqchixanigha téléfon qilghinida, yéziliq saqchixana weqeni delillep, Uyghur yash teripidin pichaqlap öltürülgen yéza kadirining layqa yézisining wang famililik mu'awin yéza bashliqi ikenlikini, u qorsiqigha pichaq yigendin kéyin neq meydanda ölgenlikini bildürdi.

Radiyomiz bu weqening sewebi heqqide yerliktin téximu tepsiliy uchur élishqa tirishmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet