Үрүмчидики 5.1 Бал йәр тәврәштә бәзи биналарға дәз кәтти

Мухбиримиз меһрибан
2013-08-30
Share

Хитай ахбарат васитилириниң мәлуматиға қариғанда, 30-авғуст әтигән үрүмчидә 5.1 Бал йәр тәвригән. Йәр тәврәштә бәзи биналарға дәз кәткән.

Йәр тәврәш үрүмчи вақти әтигән саәт 11 дин 27 минут өткәндә көрүлгән.

Үрүмчи аһалилири бу қетимқи йәр тәврәштә бәзи егиз биналарниң әйнәклири чеқилип, ишкап-ичидики қача-қучиларниң җараңлап кәткәнликини инкас қилған.

Йәр тәврәштин кейин аммиви алақә торлиридин үндидар, фейисбок қатарлиқларға йолланған сүрәтлик учурларға қариғанда, сабиқ санаәт институти(һазирқи шинҗаң университети шималий оқутуш райони) 1-бинасиниң каридор теми йерилип кәткән.

Хитай даирилири бу қетимқи йәр тәврәш дәриҗисини 5.1 Бал дәп елан қилған болсиму, әмма аммиви тор бәтләрдики муназириләрдә йәр тәврәш дәриҗисиниң 5.1 Балдин юқири болуш еһтимал оттуриға қоюлған.

Хәвәрдә дейилишичә, бу қетимқи йәр тәврәштин 12 минут өткәндин кейин йәнә 3.2 Бал қалдуқ йәр тәвригән вә қаттиқ ямғур яққан.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт