Җаң чүншән ақсу вилайитидә тәкшүрүш хизмитидә болди

Мухбиримиз үмидвар
2015.08.23
Share on WhatsApp
Share on WhatsApp


Техи йеқинда уйғур елиниң җәнубидики қәшқәр вилайитиниң йәкән наһийисидики өткән йили қанлиқ вәқә йүз бәргән елишқу қатарлиқ йезиларда зиярәт вә әһвал игиләш сәпиридә болған уйғур аптоном райони партком секретари җаң чүшән 22 - 23 - авғуст күнлири ақсу вилайити тәвәсидә тәкшүрүш елип барди.

Хитай һөкүмәт хәвәр мәнбәлириниң ашкарилишичә, җаң чүншән алдинқи йиллардин буян изчил қаршилиқ вәқәлири йүз берип турған муқимсиз наһийиләр дәп қариливатқан кучар, учтурпан, тоқсу, ават вә башқа җайларниң партийә - мәмурий рәһбири кадирлири билән мәхсус учришиш өткүзүп, улардин әһвал игилигән.

Ашкарилишичә, җаң чүншән йәнә мәзкур вилайәтниң җамаәт хәвпсизлики вә сиясий қанун саһәсидики башлиқлири билән мәхсус сөһбәт өткүзүп, нөвәттики муқимлиқ вә җәмийәт мәсилилирини муһакимә қилған болуп, тәңри тағ тори җаң чүншәнниң сиясий қанун вә җамаәт хәвпсизлик саһәси башлиқлири билә өткүзгән сөһбитиниң 22 - числа кечидин башлинип әтиси таң сәһәргичә, узун вақит давамлашқанлиқини қәйт қилған.

Мәлум болушичә, у бу сәпиридә ақсу вилайитиниң муқимлиқ ишлирини күчәйтишни алаһидә тәкитлигән болуп, ақсу вилайити җамаәт хәвпсизлики даирлиридин9идин “мәркәз вә аптоном райониниң зор мурасим паалийәтлири җәрянидики җәмийәтниң омумий йүзлүк муқимлиқини капаләткә игә қилишни тәләп қилған.

Мәлумки, 3 - сентәбир күни бейҗиңда японға қарши урушниң 70 йиллиқини хатириләш һәрбий парат паалийәтлири өткүзүлиду, бу йил 10 - айда уйғур аптоном райони қорулғанлиқиниң 60 йиллиқи хатирилиниду. Бейҗиңниң бу мәзгилләрдики муқимлиқ вә аманлиқ тәдбирлирини күчәйтишкә зор дәриҗидә әһмийәт бәрмәктә икән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.