Yéngisar 9-féwral paltiliq hujumidiki hujumchi we hujumgha uchrighuchilarning kimlikliri aydinglashti

Muxbirimiz shöhret hoshur
2017-02-28
Élxet
Pikir
Share
Print
Qeshqerning melum baziridiki Uyghurlar. 2013-Yili 9-noyabir.
Qeshqerning melum baziridiki Uyghurlar. 2013-Yili 9-noyabir.
AFP

Yéngisardiki alaqidar saqchi, nöwetchi we doxturxana xadimliri, 9‏-féwral küni yüz bergen paltiliq hujum weqesidiki hujumchi we hujumgha uchrighuchilarning kimlikliri heqqide melumat berdi.

Melumatlardin hujumchining 30 nechche yash chamisidiki naway memet eli ikenliki, uning 8 perzenti barliqi, hujumgha uchrighuchilarning bolsa yéngisar nahiyelik doxturxanining séstralar bashliqi jang seyshya, sétil yéziliq 3-kentning mu'awin sékrétari abduxaliq we yéngisar doxturxanisi aldidiki ikki xitay dukandar ikenliki aydinglashti.

Yuqiriqidek chong bir weqe heqqide héchqandaq xewer bermigen xitay axbarati, Uyghur rayonida her millet xelqining atalmish tinch we ittipaq yashawatqanliqini dawamliq türde teshwiq qilmaqta.

Yuqiriqi qanliq weqe yüz bergen yéngisar nahiyisining hökümet tor bétide bügün xewer qilinishiche, nahiye emeldarliridin biri bolghan li shyanggo aldinqi küni cholpan yéza 9-kenttiki 72 a'ilini ziyaret qilip ulargha sowghat tarqatqan we bu arqiliq xitay kompartiyisining illiqliqini yetküzmekchi bolghan.

Li shyawgo sowghat tarqitish dawamida yerlik ahalilerge milletler ittipaqliqini kücheytishni, her millet xelqining anarning daniliridek öz-ara zich uyushushini, tinchliqta bille ötüsh we tinch tereqqiy qilishini teshebbus qilghan, emma öz tewelikide yüz bergen yuqiriqi weqeni tilgha almighan. U sözining axirida yerlik ahalilerni üch xil küchlerge qarshi turushta jasaretlik bolushqa ündigen.

Toluq bet