' 4 - Iyun ' herikitining yétekchiliridin örkesh döletning xitaygha qaytish telipi ret qilin'ghan
Muxbirimiz mihriban
2009.06.04
2009.06.04
Örkesh ependi muxbirlarning ziyaritini qobul qilip, özining bu qétim awmin'gha bérishi, junggo hökümitige élan qilin'ghan bir qétimliq jeng ikenlikini bayan qildi. U xitay hökümet da'irilirige so'al qoyup,"siler méni tutush buyruqi chiqarghan idinglar, mana men hazir qaytip keldim, qéni méni qobul qilalamsiler?"dégen.
Örkesh dölet, xitay da'iriliri teripidin tutush buyruqi chiqirilghan, "4 - iyun " tyen'enmén oqughuchilar herikitining bashlamchiliridin biri bolup, eyni chaghda xitay hökümiti bu heriketning asasi teshkilligüchiliri dep qarighan 21 kishini tutush buyruqi chiqarghan idi.
Hazir teywende turushluq örkesh ependi, 3 - iyun küni xitay da'irilirining tutush buyruqigha maqul bolghandek halette, teywendin xitayning alahide rayoni bolghan awmin ayrodromigha chüshken chaghda ayrodromdiki chégridin kirishni bashqurghuchi da'iriler teripidin tutulup ekétilgen idi.
Örkesh ependi bayanatida: xitayning özini chégridin kirishke yol qoymasliqi toghrisida toxtilip: " bu, puqralarning kishilik hoquqigha hörmet qilish heqqidiki qanunigha xilap" dep tenqidlesh bilen birge, bundin kéyin xitay hökümitining tyen'enmén weqesige bolghan mes'uliyitini sot arqiliq sürüshte qilidighanliqini, xitay hökümitining "4 - iyun qirghinchiliqi " üchün xelqtin kechürüm sorishini xitap qilghan.