8 Чоң санаәт дөлити иранниң ядро қорал мәсилиси буйичә келишим имзалашни тәләп қилмақта

Бирләшмә агентлиқиниң баян қилишичә, америка ташқи ишлар министири һелларий клинтон ханим түнүгүн, дунядики күчлүк дөләтләр әмди иранни җазалашта бирликкә келиши мумкин, дәп тәсәввур қилған иди.
Мухбиримиз вәли
2010.03.31

Бүгүн дуня иқтисадиниң йетәкчилири болған франсийә, германийә, италийә, японийә, америка, әнглийә, канада вә русийидин ибарәт бу 8 чоң санаәт дөлитиниң дипломатлири канаданиң кйүбәк шитатидики гатинав шәһәрчисигә топлинип елип барған қейин сөһбәттә, һәммиси бирдәкла иранниң һазир қиливатқан һәрикити ядро бомбиси ясаштин башқа нәрсә әмәс, у бәлки һазир бу һәрикитини һәссиләп тезлитиватиду, дәп көрсәтти.

Хәвәрдә ейтилишичә, канаданиң ташқи ишлар министири лавренс каннон бу йиғинида, "бу қетим иран мәсилиси буйичә бир келишим имзалаш керәк," дәп җакарлиғанда, бу 8 чоң дөләт килобиниң әзалиридин хитай, бразилийә, түркийә техичә иранни җазалашни қоллайдиған тәрәптә әмәс иди.

Әмма иранниң мушу күнгә қәдәр дуняда ядро қораллириниң кеңийип кетишини чәкләшкә бой сунмай келиватқан лиқиға бивастә сәвәбчи болуп келиватқан хитай һазир мәйданини өзгәртти. Бу сөһбәт һазир давамлишиватиду.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.