Özbék elishir osmanof en'gliye we rusiyidiki eng bay adem dep bahalandi

En'gliyide chiqidighan “Yekshenbe waqti” mejmu'esining yézishiche, bu yil en'gliyidiki eng bay ademlerning royixétini turghuzghanda, bir neper özbék béyi, yeni elishir osmanof, en'gliyidiki bu yilliq eng bay ademler tizimlikide 2 - orunni igiligen.
Muxbirimiz ümidwar
2012.04.29

58 Yashliq elishir osmanofning bayliqi 12.32 Milyard funt stérling bolup, u asasliqi métallurgiye saheside soda qilghan.

Elishir osmanof yene bu yil rusiyidiki eng bay adem qatarigha kirgen bolup, bayliqi 20 milyard dollardin éship ketken.

Elishir osmanof 1954 yili özbékistanning nemen'gan oblastida tughulghan. Dadisi tashkentte teptish bolup ishligen. Elishir osmanof 1970 - yillarda moskwa uniwérsitétni püttürgendin kéyin bir mezgil özbékistanda komsomol ittipaqi, tashqi soda organlirida ishligen hemde 80 - yillarda qamaq jazasigha uchrighan. Sowét ittipaqi yimirilgendin kéyin xususiy soda bilen shughullinip, axir 20 yil ichide dunyadiki eng bay ademler qatarigha kirgen.

2012 - Yilidiki en'gliyidiki 1 - nomurluq bay hindistanliq kishi bolghan. 2 - Nomurluq bay elishir osmanof, tenterbiyini yaxshi körgen bolup, u putbol herikitini nahayiti qollaydiken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.