Altayda éghir qatnash weqesi yüz bérip 11 kishi öldi

Bügün Uyghur élining altay wilayitide éghir qatnash weqesi yüz bérip, 11 kishi hayatidin ayrilghan. Xongkongda chiqidighan mingpaw gézitining bayan qilishiche, peyshenbe küni chüshtin kéyin sa'et ikki etrapida, 17 kishilik bir sayahet aptomobili burchin nahiyisidin qanas kölige qarap kétiwatqanda tagh jilghisigha chüshüp ketken.
Muxbirimiz irade
2010.09.16
Share on WhatsApp
Share on WhatsApp

Mezkur qatnash hadisiside 10 kishi neq meydanda ölgen, éghir yarilan'ghan bir kishi doxturxanigha élip kétiliwatqanda jan üzgen, 6 kishi yarilan'ghan.
 
Bu heqtiki xewerlerde, aptomobildiki 15 kishining altaydiki bir sayahet shirkiti teshkilligen sayahetchiler ikenliki bildürülgen, emma ularning kimliki we millet terkibi heqqide éniq melumat bérilmigen. Hazir, altay saqchi da'iriliri weqening kélip chiqish sewebi üstide tekshürüsh élip barmaqta.

Yéqinqi waqitlardin buyan Uyghur élide qatnash hadisiliri bir qeder köpiyip ketken bolup, inkaslardin qarighanda, buning sewebliri qatarida pul tépishni birinchi orun'gha qoyup, qatnash qa'idilirige ri'aye qilmasliq we qatnash saqchiliridiki chiriklik qilmishlirimu bar iken.

 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet