Atush shorluqta bir türküm Uyghur yashliri tutqun qilin'ghan

Toluqsiz melumatlardin qarighanda, tutqunlar bomba yasash yaki partlatquch matériyallarni saqlash gumani bilen tutqun qilin'ghan. Inkas qilinishiche, saqchilar tutqun dawamida, normal qanuniy tertiplerni buzup tashlap, yérim kéchide öy-öyde tekshürüsh élip barghan؛ tekshürüsh jeryanida, a'ililerge héchqandaq qanuniy resmiyet körsitilmigen؛ a'ililerdiki anilar, balilar we yashan'ghanlarmu zorawanliqining zerbisige uchrighan.

Buningdin ikki hepte ilgiri, qeshqer qaghiliqtiki bir herbiy gazarma, motsiklitliq partlitish hujumigha uchrighan idi. Muhajirettiki Uyghur közetküchiler, qaghiliqtiki hujumdin kéyin xitay saqchilirining intiqam tuyghusi bilen heriketke ötkenlikini we rayonda keng-kölemde tutqun bashlighanliqini perez qilishmaqta.