Birma armiyisi kachin musteqilchilirige hujum bashlidi

Birma qoralliq küchliri yekshenbe küni birma bilen xitay chégrisigha yéqin jaylarni igiliwalghan kachin musteqilchilirining bazilirigha top - zembirekler bilen hujum bashlighan.
Muxbirimiz ümidwar
2013-01-20
Élxet
Pikir
Share
Print


En'gliye b b s agéntliqining xewer qilishiche, bir qanche yüz birma eskiri kachinlar jaylashqan taghliq rayonlargha hujum qilip, ularning merkezlirini igileshke intilmekte. Kachinlar bilen birma qoralliq küchliri arisidiki qayta urush 2011 - yili bashlan'ghan bolup, 18 - yanwar küni ikki terep arisida urush toxtitish pütüshülgen bolsimu, emma 20 - yanwarsa birma qoralliq küchliri yene hujum bashlighan.

Bu ehwalgha xitay terepmu inkas qayturghan bolup, xitay bilen birma terep chégra rayonning tinchliqi we muqimliqini qoghdashqa pütüshken, chunki urush boluwatqan jaylar xitayning yünnen ölkisi chégrisigha yéqindur.

Kachin musteqilliq armiyisi 1961 - yili qurulghan, bu qoshun kachin millitining musteqilliq üchün jeng qilishni dawamlashturghan idi. Kachinlar xitaydiki jingpo millitining bir qisimi bolup, ular birma bilen xitay chégrisi etrapigha jaylashqan idi.

Toluq bet