Дилшат ришит хитай даирилириниң “уйғур районидики тасадипий вәқәләргә тақабил туруш чариси” ни әйиблиди

Дуня уйғур қурултийи баянатчиси дилшат ришит бүгүн радиомиз арқилиқ баянат берип, уйғур аптоном район даирилири 1-авғусттин башлап йолға қоюшни қарар қилған “тасадипий вәқәләргә тақабил туруш чариси” ни әйиблиди.
Мухбиримиз меһрибан
2012.07.31

Дилшат ришит сөзидә, даириләрниң “шәрқий түркистанда муқимлиқни сақлаш” намида уйғурларға қаратқан бастурушни барғанчә күчәйтип, өзи бәлгилигән миллий аптономийә қанунини үзлүксиз дәпсәндә қиливатқанлиқини тәкитләп, хәлқара җәмийәтни “шәрқий түркистандики уйғурлар вәзийитигә диққәт қилиш” қа чақирди.

Уйғур аптоном район даирилири 30-июл ахбарат елан қилиш йиғини ечип, районниң узун муддәтлик әминликигә капаләтлик қилиш үчүн, 1-авғусттин башлап тасадипий вәқәләргә тақабил туруш чарисини йолға қойидиғанлиқини билдүргән. Қарарда хитай қораллиқ күчлиригә алаһидә имтияз берилгән. Йәни районниң узақ муддәтлик әминликини сақлаш үчүн, райондики башқуруш вә тәкшүрүшни күчәйтиш, җиддий әһваллар йүз бәргәндә районда турушлуқ хитай армийиси билән қораллиқ сақчи қисимлириниң йәрлик һөкүмәткә маслишип алаһидә тәдбир алса болидиғанлиқи тәкитләнгән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.