فىلىپپىن سكاربورگ ئاراللىرىنىڭ ئىگىلىك ھوقۇقى مەسىلىسىدە خىتاينى ب د ت غا ئەرز قىلىدىغانلىقىنى بىلدۈردى

فىلىپپىن تاشقى ئىشلار مىنىستىرى روسارىئو مانىلا ھۆكۈمىتىنىڭ، سكاربورگ (خىتايچە خۇاڭيەن) ئاراللىرىنىڭ ئىگىلىك ھوقۇقى مەسىلىسىدە خىتاينى ب د ت نىڭ مۇناسىۋەتلىك ئورگانلىرىغا ئەرز قىلىدىغانلىقىنى بىلدۈرگەن.
مۇخبىرىمىز مېھرىبان
2013.01.22

ب ب س ئاگېنتلىقىنىڭ خەۋىرىدىن مەلۇم بولۇشىچە، فىلىپپىن تاشقى ئىشلار مىنىستىرى روسارىئو 22-يانۋار سەيشەنبە كۈنى خىتاينىڭ فىلىپپىندىكى باش ئەلچىسى ما كېلياۋ بىلەن كۆرۈشۈپ مانىلانىڭ قارارىنى خىتايغا ئۇقتۇرغانلىقىنى بىلدۈرگەن. ب ب س ئاگېنتلىقىنىڭ خەۋىرىدە دېيىلىشىچە، ئوخشاش بىر ۋاقىتتا، خىتاينىڭ فىلىپپىندا تۇرۇشلۇق باش ئەلچىسى ما كېلياۋمۇ فىلىپپىن تاشقى ئىشلار مىنىستىرلىقىغا خىتاينىڭ جەنۇبىي دېڭىزدىكى ئاراللار مەسىلىسىدىكى مەيدانىنى ئىپادىلەپ، خىتاينىڭ جەنۇبىي دېڭىزدىكى ئاراللارنىڭ ئىگىلىك ھوقۇقى ۋە ئاراللار ئەتراپىدىكى دېڭىز تەۋەلىكىگە قارىتا ئىگىدارچىلىق ھوقۇقى بارلىقىنى بىلدۈرگەن.

نۆۋەتتە، جەنۇبىي دېڭىزدىكى ئاراللار ۋە ئاراللار ئەتراپىدىكى دېڭىز تەۋەلىكىگە بولغان ئىگىلىك ھوقۇقى مەسىلىسىدە خىتاي بىلەن ئەتراپىدىكى قوشنا دۆلەتلەردىن فىلىپپىن، ۋيېتنام، مالايشىيا قاتارلىق دۆلەتلەرنىڭ تالاش-تارتىشى داۋاملاشماقتا.

ﻣﯘﻧﺎﺳﯩﯟﻩﺗﻠﯩﻚ ﺧﻪﯞﻩﺭﻟﻪﺭ
قىسقا خەۋەرلەر
پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.