Филиппин скарборг араллириниң игилик һоқуқи мәсилисидә хитайни б д т ға әрз қилидиғанлиқини билдүрди

Филиппин ташқи ишлар министири росарио манила һөкүмитиниң, скарборг (хитайчә хуаңйән) араллириниң игилик һоқуқи мәсилисидә хитайни б д т ниң мунасивәтлик органлириға әрз қилидиғанлиқини билдүргән.
Мухбиримиз меһрибан
2013.01.22
Share on WhatsApp
Share on WhatsApp

Б б с агентлиқиниң хәвиридин мәлум болушичә, филиппин ташқи ишлар министири росарио 22-январ сәйшәнбә күни хитайниң филиппиндики баш әлчиси ма келяв билән көрүшүп маниланиң қарарини хитайға уқтурғанлиқини билдүргән. Б б с агентлиқиниң хәвиридә дейилишичә, охшаш бир вақитта, хитайниң филиппинда турушлуқ баш әлчиси ма келявму филиппин ташқи ишлар министирлиқиға хитайниң җәнубий деңиздики араллар мәсилисидики мәйданини ипадиләп, хитайниң җәнубий деңиздики аралларниң игилик һоқуқи вә араллар әтрапидики деңиз тәвәликигә қарита игидарчилиқ һоқуқи барлиқини билдүргән.

Нөвәттә, җәнубий деңиздики араллар вә араллар әтрапидики деңиз тәвәликигә болған игилик һоқуқи мәсилисидә хитай билән әтрапидики қошна дөләтләрдин филиппин, вйетнам, малайшия қатарлиқ дөләтләрниң талаш-тартиши давамлашмақта.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.