Google Ға қилинған һуҗум шаңхәй қатнаш университети қатарлиқ мәктәпләрдин елип берилған
"Ню йорк вақти гезити" бу һәқтики хәвиридә, исмини ашкарилашқа болмайдиған мәнбәләрниң сөзини нәқил кәлтүрүп, америка тор бәтлирини хаклаш һәрикитиниң қатнаш университети вә ләншяң кәспий мәктипигә четилидиғанлиқини илгири сүргән.
Ләншяң кәспий мәктипи болса һәрбийләрниң қоллиши астида қурулған болуп, хитай армийисигә компютер мутәхәссислирини йетиштүридиған мәктәп иди. Google Ширкити бу йил 1 - айда мәзкур тордики америка ширкәтлириниң мәхпийәтлики вә хитай кишилик һоқуқ паалийәтчилириниң хәт сандуқи омумйүзлүк һуҗумға учриғанлиқини елан қилип, һуҗумни хитай хаккерлириниң елип барғанлиқини билдүргән. Гези кәлсә хитайдики тиҗарий мәшғулатини тохтитидиғанлиқини агаһландурған иди.
Мәзкур вәқә тоғрисида "ню йорк вақти гезити" учур бәргән хәвәр мәнбәлириниң әскәртишичә, бу қетимқи тор җасуслуқи 2009 - йили 4 - айниң башлирида башланған вә компютер код номури, хитай кишилик һоқуқ паалийәтчилириниң алақә тори вә сода мәхпийәтликини оғрилашни мәқсәт қилған.
Google Ширкити хитай хаккерлириниң һуҗумиға учраш вәқәсидин кейин, америка дөләт бихәтәрлик идариси билән һәмкарлишип, хаккерларниң һуҗуми үстидин тәкшүрүш елип баридиғанлиқини елан қилған иди.
- Сүбһи мәмәт: "кишәнләнгән киши мениң дадам"
- 45 Йиллиқ түркийә пуқраси йәһя қурбан аяли билән ғайиб, түркийә қутулдурушқа чарисиз
- Рабийә қадир ханимниң сиңлиси арзугүл қадирниң лагердин чиқип җан үзгәнлики дәлилләнди
- Әдәбий тәрҗиман, илмий мудир әхмәтҗан җүмәниң икки йил "тәрбийәләш" тә ятқандин кейин 14 йиллиқ кесилгәнлики дәлилләнди
- Түркийәдә корона вирусидин юқумланған уйғурларниң сани 3 миңға, қаза тапқанларниң сани 30 ға йәтти
