Хәлқара кәчүрүм тәшкилати хитай даирилири “28 - декабир гума вәқәси” гә җаваб бериши керәк

Хәлқара кәчүрүм тәшкилати баянат елан илип хитай даирилиридин “28 - декабир гума вәқәси” дә тутуп кетилгән балаларниң әһвални ашкарилашни тәләп қилди вә даириләрниң вәқәни бир тәрәп қилиш усулиға соал қойди.
Мухбиримиз җүмә
2012.01.07

Баянатта хәлқара кәчүрүм тәшкилати асия - тинч окян ишлири бөлүми директори сам зәрифиниң вәқәдә 7 уйғурниң етилғанлиқи һәққидә ейтқанлири нәқил қилинған.

Сам зәрифи мундақ дегән: һөкүмәтниң 7 адәм “қолға елишқа қаршилиқ көрсәткәнлики үчүн етип өлтүрүлди” дегән чүшәндүрүши 7 адәмниң бикардин - бикар етип ташланғанлиқи вә йәнә башқиларниң яриланғанлиқиға җаваб болалмайду.

Сам зәрифи йәнә мундақ дегән: һәтта бу гумандарлар сақчиға қаршилиқ көрсәткән тәқдиридиму, вәқәдә шунчә көп адәмниң өлтүрүлүши вәқәни бесиқтуруш җәрянида бирләшкән дөләтләр тәшкилатиниң көрсәтмилиригә хилап һалда зиядә күч ишлитилгән яки ишлитилмигәнлики һәққидә соал пәйда қилиду. Һөкүмәт даирилири буни чүшәндүрүши керәк.

Кәчүрүм тәшкилатниң мәзкур баянати һәққидә кейин йәнә тәпсилий мәлумат беримиз.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.