Һилларий клинтон: австралийиниң америка вә хитайдин бирини таллаш мәҗбурийити йоқ

Америка дөләт ишлири министири һилларий килинтон вә мудапиә министири леон панетта австралийидә рәсмий зиярәттә болмақта. Улар австралийә ташиқи ишлар министири боб кар, мудапиә министири ситифин симислар билән учришип, америка-австралийә арисидики һәрбий алақини күчәйтиш мәқсәт қилинған хәвпсизлик йиғиниға қатнашқан.
Мухбиримиз ирадә
2012-11-15
Share

Бирләшмә агентлиқиниң хәвиридә ейтилишичә, австралийидики бәзи өктичи сиясий гуруппилар австралийиниң америка билән һәрбий җәһәттә бундақ қоюқ алақә орнитишиниң австралийиниң әң чоң сода шерики хитай билән болған алақисигә зиянлиқ икәнликини, австралийиниң мустәқил дөләт болуш сүпити билән америкиниң сайиси астида қалмаслиқи керәкликини илгири сүрүп, һазирқи һөкүмәтни тәнқид қилған.

Һилларий килинтон бүгүн австралийиниң аделәйд шәһиридә қилған сөзидә, юқиридики көз қарашни рәт қилған. У австралийиниң америка билән хитай арисида қелишиниң һаҗити йоқлуқи, австралийиниң тинч окяндики барлиқ дөләтләр билән алақә орнитидиғанлиқи вә буниң һечкимгә тосалғу әмәсликини тәкитләп «тинч окян һәммимизгә йетиду, америка тинч окяндики барлиқ дөләтләр билән җүмлидин хитай билән йеқин мунасивәт орнитишни арзу қилиду. Биз австралийиниңму шундақ қилишини һәр тәрәптин қоллаймиз» дегән.

Бу нөвәтлик хәвпсизлик йиғинида, америка австралийигә икки аләм көзитиш системиси орнитиш вә австралийидә туридиған америка деңиз әскәрлириниң санини ашурушқа охшаш муһим қарарлар елинған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.