ئىراندىكى پرېزىدېنت سايلىمىدا ئەخمەدى نىجات قايتا سايلاندى

ئىراندا ئېلىپ بېرىلغان پرېزىدېنت سايلىمىدا ئىران پرېزىدېنتى ماخمۇت ئەخمەدى نىجات 62% ئاۋاز بىلەن رەقىپلىرىنى يېڭىپ، قايتىدىن ئىران ئىسلام جۇمھۇرىيىتىنىڭ پرېزىدېنتى بولۇپ سايلاندى. ئۇنىڭ ئەڭ كۈچلۈك رىقابەتچىسى پرېزىدېنت نامزاتى، ئىچكى ئىشلار مىنىستىرى ۋە ئىسلاھاتچىلار ئېقىمىغا مەنسۇپ، مۇساۋى بولۇپ، ئۇ 33% ئاۋازغا ئېرىشكەن.
ﻣﯘﺧﺒﯩﺮﯨﻤﯩﺰ ﺋﯜﻣﯩﺪﯞﺍﺭ
2009-06-14
Share

خەلقئارا مەتبۇئاتلارنىڭ قىزىق تېمىسى بولغان ئىراندىكى بۇ سايلام نەتىجىسى مۇناسىۋىتى بىلەن ئەخمەدى نىجات پۈتۈن ئىران خەلقىگە نۇتۇق سۆزلەپ. بۇ سايلام نىڭ " ئەركىن ۋە راستچىل " بولغانلىقىنى، خەلقنىڭ ھەقىقى ۋە ئەركىن تاللاش ئېلىپ بارغانلىقىنى تەكىتلىگەن.

ئەخمەدى نىجاتنىڭ غەلىبىسى بەرىبىر نارازىلىقلارغا دۇچ كەلگەن بولۇپ، ئەنگلىيە ب ب س ئاگېنتلىقىنىڭ خەۋەر قىلىشىچە، شەنبە كۈنى سايلام نەتىجىسىدىن نارازى بولغان كۆپلىگەن ئۆكتىچىلەر كوچىغا چىقىپ، سايلامدىن نارازى بولغانلىقىنى بىلدۈرۈپ نامايىش قىلغان بولۇپ، ئاقىۋەتتە، ساقچىلار بىلەن ئىسلاھاتچى پىكىر ئېقىمىدىكى نامايىشچىلار ئارىسىدا توقۇنۇش كېلىپ چىقىپ، مەلۇم ساندا ئادەم قولغا ئېلىنغان، بۇ نامايىشقا سابىق پرېزىدېنت خاتامىنىڭ ئىنىسىمۇ ئىشتىراك قىلغان ئىكەن.

ئەخمەدى نىجات سۆزلىگەن نۇقتىدا غەرب دۆلەتلىرىنى سايلامغا بۇزغۇنچىلىق قىلىشقا ئۇرۇنۇش بىلەن تەنقىد قىلغان.

بۇ قېتىمقى سايلامغا نىسبەتەن ئامېرىكا، ئىسرائىلىيە، ياۋروپا ئىتتىپاقى ئەللىرى ئىنكاس قايتۇرۇپ، سايلامدا نۇرغۇن گۇمانلىق مەسىلىلەر بارلىقىنى ئەسكەرتكەن.

ئەخمەدى نىجاتنىڭ رىقابەتچىسى مۇساۋى بۇ سايلامنىڭ راستچىل بولمىغانلىقىنى ئەيىبلەپ، سايلام نەتىجىسىنى بىكار قىلىشنى تەلەپ قىلغان.


پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت