Ирандики президент сайлимида әхмәди ниҗат қайта сайланди

Иранда елип берилған президент сайлимида иран президенти махмут әхмәди ниҗат 62% аваз билән рәқиплирини йеңип, қайтидин иран ислам җумһурийитиниң президенти болуп сайланди. Униң әң күчлүк риқабәтчиси президент намзати, ички ишлар министири вә ислаһатчилар еқимиға мәнсуп, мусави болуп, у 33% авазға еришкән.
Мухбиримиз үмидвар
2009.06.14
Share on WhatsApp
Share on WhatsApp

Хәлқара мәтбуатларниң қизиқ темиси болған ирандики бу сайлам нәтиҗиси мунасивити билән әхмәди ниҗат пүтүн иран хәлқигә нутуқ сөзләп. Бу сайлам ниң " әркин вә растчил " болғанлиқини, хәлқниң һәқиқи вә әркин таллаш елип барғанлиқини тәкитлигән.

Әхмәди ниҗатниң ғәлибиси бәрибир наразилиқларға дуч кәлгән болуп, әнглийә б б с агентлиқиниң хәвәр қилишичә, шәнбә күни сайлам нәтиҗисидин нарази болған көплигән өктичиләр кочиға чиқип, сайламдин нарази болғанлиқини билдүрүп намайиш қилған болуп, ақивәттә, сақчилар билән ислаһатчи пикир еқимидики намайишчилар арисида тоқунуш келип чиқип, мәлум санда адәм қолға елинған, бу намайишқа сабиқ президент хатаминиң инисиму иштирак қилған икән.

Әхмәди ниҗат сөзлигән нуқтида ғәрб дөләтлирини сайламға бузғунчилиқ қилишқа урунуш билән тәнқид қилған.

Бу қетимқи сайламға нисбәтән америка, исраилийә, явропа иттипақи әллири инкас қайтуруп, сайламда нурғун гуманлиқ мәсилиләр барлиқини әскәрткән.

Әхмәди ниҗатниң риқабәтчиси мусави бу сайламниң растчил болмиғанлиқини әйибләп, сайлам нәтиҗисини бикар қилишни тәләп қилған.


Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.