Ирқий айримичилиқ, миллий кәмситиш вә ят қәвмләргә битақәт муамилидә болуш ‏ - шәрмәндичилик

Бирләшкән дөләтләр тәшкилати кишилик һоқуқ комитети елан қилған ахбаратқа қариғанда, мәзкур комитет рәиси нави пиллай дүшәнбә күни, ирқий айримичилиқ, миллий кәмситиш вә ят қәвмләргә битақәт муамилидә болуш қатарлиқ қилмишларниң дуняниң һәр қайси җайлирида күндә йүз берип туридиғанлиқини оттуриға қойди.
Мухбиримиз җүмә
2008-10-06
Share

Нави пиллай буни " бир шәрмәндичилик" дәп атиди вә һәр қайси дөләтләрни бу хилдики мәсилиләрни һәл қилишта конкретни тәдбирләрни елишқа чақирди.

У йәнә, һәр қайси әлләр һөкүмәтлирини юқириқи мәсилиләрни һәл қилишта, амал бар тарихи характерлик өзгириш ясашқа тиришишқа һәмдә һәр қайси етник гуруппиларниң мәнпәәти вә һаятиға пайда елип келәләйдиған қанунларни түзүп чиқишқа чақирди.

2001 - Йили бирләшкән дөләтләр тәшкилатиниң орунлаштуруши билән җәнубий африқиниң дурбан шәһиридә ирқий айримичилиқ вә миллий кәмситишкә қарши туруш қурултийи ечилған болуп, қурултайға қатнашқан һәр қайси әлләр бирликтә қарар мақуллап йиғин роһини иҗра қилидиғанлиқи һәққидә баянат елан қилған иди.

Келәр йили апрелда, 2001 - йили ечилған қурултайда берилгән вәдиләрниң әмәлгә ешиш дәриҗиси тәкшүрүлидиған болуп, пиллай юқириқиларни апрелда ечилидиған тәкшүрүш қурултийиниң тәйярлиқ йиғинида оттуриға қойған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт