Ирқий айримичилиқ, миллий кәмситиш вә ят қәвмләргә битақәт муамилидә болуш ‏ - шәрмәндичилик

Нави пиллай буни " бир шәрмәндичилик" дәп атиди вә һәр қайси дөләтләрни бу хилдики мәсилиләрни һәл қилишта конкретни тәдбирләрни елишқа чақирди.

У йәнә, һәр қайси әлләр һөкүмәтлирини юқириқи мәсилиләрни һәл қилишта, амал бар тарихи характерлик өзгириш ясашқа тиришишқа һәмдә һәр қайси етник гуруппиларниң мәнпәәти вә һаятиға пайда елип келәләйдиған қанунларни түзүп чиқишқа чақирди.

2001 - Йили бирләшкән дөләтләр тәшкилатиниң орунлаштуруши билән җәнубий африқиниң дурбан шәһиридә ирқий айримичилиқ вә миллий кәмситишкә қарши туруш қурултийи ечилған болуп, қурултайға қатнашқан һәр қайси әлләр бирликтә қарар мақуллап йиғин роһини иҗра қилидиғанлиқи һәққидә баянат елан қилған иди.

Келәр йили апрелда, 2001 - йили ечилған қурултайда берилгән вәдиләрниң әмәлгә ешиш дәриҗиси тәкшүрүлидиған болуп, пиллай юқириқиларни апрелда ечилидиған тәкшүрүш қурултийиниң тәйярлиқ йиғинида оттуриға қойған.

• Принт
• Һәмбәһр
• Әвәтиш

Барлиқ пикир - баянларни көрүш.

• Бүгүнки аңлитиш
• Илгирики аңлитишлар