Күнмиңдики салвадор қавақханисини партлатқучиниң аптобус партлатқучи икәнлики ениқланди

Хитай ахбаратлириға қариғанда, хитай сақчилири бу йил 21 - июл күнмиң шәһиридә йүз бәргән аптобус партлаш вәқәсини 24 - декабир мәзкур шәһәргә җайлашқан бир қавақханида йүз бәргән партлашта өлгүчи кәлтүрүп чиқарған дәп қарайдиғанлиқини билдүргән.
Мухбиримиз җүмә
2008.12.29

24 - Декабир әтигән саәт 10лар әтрапида хитайниң йүннән өлкиси күнмиң шәһиригә җайлашқан салвадор қавақханисида партлаш йүз берип, партлатқучиниң өлгәнлики хәвәр қилинған иди.

Мәлум болушичә, қавақханида партлаш йүз бәргәндин кийин яриланғучи йүннән өлкилик иккинчи дохтурханиси җиддий қутқузуш бөлүмигә елип берилған болсиму, әмма яриси бәк еғир болғачқа өлүп кәткән һәмдә җан үзүш алдида, өзиниң бу йил 21 - июл күнмиң шәһиридә йүз бәргән аптобус партлитиш вәқәсиниң иҗрачиси икәнликини ашкарилиған.

Җуңго гезитидә бу һәқтә берилгән хәвәрдә сақчи даирилириниң баянатлирини нәқил елип көрситишичә, өлгүчиниң исми ли йән болуп, сақчилар мунасивәтлик дәлил - испанлар вә DNA анализиға асасән ли йәнниң бу йил 21 - июлдики аптобус партлитиш вәқәсини кәлтүрүп чиқарған гумандар икәнликини бекиткән.

Бу йил 21 - июл, йүннән өлкиси күнмиң шәһиридә икки йәрдә аптобус партлаш вәқәси йүз бәргән болуп, партлашта 2 адәм өлгән 14 адәм яриланған иди.


Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.