Күнәс наһийисидики тағ гүмүрүлүш вәқәсидә тағ астида қалған 28 адәмниң һәммиси өлгән
Вәқә мәзкур наһийиниң аралтөпә базиридики бир төмүр кенида йүз бәргән иди. Даириләрниң ашкарилишичә, тағ астида қалған 28 кишидин 21 кишиниң җәсити қезип чиқирилған. Қалған 7 киши техи тепилмиған болсиму, бирақ уларниң өлгән болуш еһтималлиқи зор икән.
Даириләр йәнә, вәқәдә өлгән вә һазирға қәдәр тепилмиған кишиләрниң исимликини елан қилған.
Исимликтин қариғанда өлгәнләрниң 6 нәпири йәрлик қазақ чарвичи болуп, қалған кишиләрниң мутләқ көп қисми йүннәндин кәлгән көчмән хитай ишләмчиләр.
Күнәс наһийилик партком секретари җа йишең, һөкүмәтниң вәқәдин кейин елип барған қутқузуш һәрикитини ақлап, тағниң гүмүрүлүп чүшүшини ямғур кәлтүрүп чиқарғанлиқини илгири сүргән болсиму, бирақ ямғурға бәрдашлиқ берәлмәйдиған тупрақ қатлими аҗиз бундақ хәтәрлик җайда немишқа кан ечишқа йол қоюлғанлиқи вә вәқәдин бурун немишқа бихәтәрлик тәдбирлирини елинмиғанлиқиға һечқандақ чүшәнчә бәрмигән.
Йәрлик ахбарат васитилириниң хәвәр қилишичә, тағ астида қелип һазирға қәдәр тепилмиған кишиләрни издәш хизмити 2-июл кәч саәт 5:00 кейин башлап тохтитилған. Хәвәрләрдә, издәш хизмитиниң боран вә қаттиқ ямғур сәвәблик тохтитилғанлиқи илгири сүрүлгән.
- Адриян зенизниң чамасқа суали: "әгәр сениң ата-анаңму лагерға соланған болса, кариң болмамти?"
- Сәуди әрәбистан һөкүмитиниң һәмдулла вәлийни хитайға қайтуридиғанлиқи илгири сүрүлди
- Рәйһан әсәт: "иним әкбәрни вә башқа милйонлиған инсанларни набут қилғанлар җавабкарлиққа тартилидиған күнләр чоқум келиду"
- Бир аилидики 5 аялға еғир җаза кәскән корла хәлқ сот мәһкимиси һөкүмнамисиниң чинлиқи дәлилләнди
- Хитай қазақистанға һәрбий арилишишни қоллап, бихәтәрлик ярдими бериш тәклипи сунған
