5 ‏- Нөвәтлик дуня парламент әзалириниң тибәт йиғини йепилди

Италийә парламентиниң авам палатасида чақирилип, икки күн давам қилған 5 ‏- нөвәтлик дуня парламент әзалириниң тибәт йиғини пәйшәнбә күни ахирлашти. Дунядики 28 дөләтниң 200 әтрапидики сияси вә җамаәт әрбапи иштирак қилған йиғинға уйғур рәһбири рабийә қадир ханим тәклип билән қатнашқан иди.
Мухбиримиз әркин
2009-11-20
Share

Йиғинда "рим хитапнамиси" вә "һәрикәт пилани" мақуллинип, хәлқара җәмийәтниң тибәт мәсилисидики қоллишини қолға кәлтүрүш үчүн үзлүксиз тиришидиғанлиқини билдүргән шундақла хитай һөкүмитини тибәт роһани даһиси далай ламаниң сүргүндики тибәт һөкүмити билән әмәлий мәсилиләрдә сөһбәт өткүзүшкә чақирған.

Хәлқара мәтбуатларниң хәвәр қилишичә, римда чақирилған бу қетимқи йиғинни сүргүндики тибәт парламенти, италийә парламентиниң тибәт гурупписи вә америкидики тибәтни һамийә қилиш хәлқара һәрикити қатарлиқ орунлар биргә уюштурған. Уйғур рәһбири рабийә қадир ханимниң йиғин җәрянида далай лама билән айрим көрүшкән яки көрүшмигәнлики һазирчә мәлум әмәс.

Далай лама алдинқи күни йиғинниң ечилиш мурасимида сөз қилип, тибәт сәргәрдан һөкүмитиниң мустәқиллиқ тәләп қилмайдиғанлиқини, бәлки хитай рамкиси ичидики хитай асасий қануниға таянған һәқиқий аптономийә тәләп қилидиғанлиқини әскәртип, бу арқилиқ тибәт хәлқиниң диний вә мәдәнийитини һәқиқий йосунда қоғдаш, тибәт хәлқиниң кишилик һоқуқиға һәқиқий капаләтлик қилишни қоғлишидиғанлиқини тәкитлигән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт