Уйғур елиниң улуғчат наһийисидә 5.7 Бал йәр тәвриди

5 - Өктәбир йәкшәнбә күни уйғур елиниң улуғчат наһийисидә 5.7 Бал йәр тәвригән болуп, шинхуа ахбаратниң мәлуматиға қариғанда, йәр тәврәштә мал - мүлүк яки адәмләрниң һаятиға хәвп йәтмигән.
Мухбиримиз җүмә
2008-10-06
Share

Америка геологийилик өлчәш идарисиниң мәлуматиға қариғанда, 5 - өктәбир йәкшәнбә күни кәчқурун қирғизистанниң уйғур елигә чегрилинидиған райони нура кәнтидиму 6.6 Бал йәр тәвригән.

Франсийә агентлиқида хәвәр қилинишичә, қирғизистан апәткә тақабил туруш министири туратбек җунучалийәф қирғизистанда йүз бәргән йәр тәврәштә 72 адәм һаятидин айрилғанлиқини билдүргән.

Униң билдүрүшичә йәнә, 960 нопусқа игә нура йезиси пүтүнләй вәйран болуп кәткән, 128 өй өрүлгән һәмдә 60 адәм еғир яридар болған болуп, апәткә учриған амма ош шәһиригә тикучар билән йөткәлгән.

Шу күни йәнә, тибәт әтрапидиму қаттиқ йәр тәврәп аз дегәндә 30 киши өлгән. Мәлуматларға қариғанда, бу нөвәтлик йәр тәврәшниң тәсири қәшқәр шәһириму азрақ билингән.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт