Хитай әмәлдари уйғур елидә бастуруш даирисини кеңәйтиш һәққидә шәпә бәрди

Хитай компартийисиниң 18-қурултийи йетип келиш алдида турған мәзгилдә бир юқири дәриҗилик хитай әмәлдари уйғур елидә муқимлиқ намидики бастуруш даирисини кеңәйтиш һәққидә шәпә бәргән.
Мухбиримиз җүмә
2012.10.24

Бу һәқтики сөзләрни хитай мәркизи комитети сиясий бюроси әзаси җов йүнкаң 24-өктәбир бейҗиңда чақирилған бир йиғинда оттуриға қойған.

Җов йүнкаң җәмийәт муқимлиқини капаләткә игә қилиш үчүн кишиләрниң турмуш сәвийисини өстүрүш керәклики һәққидә тохталған болсиму, әмма буниму “үч хил күчләр” гә зәрбә беришкә ишлитиш лазимлиқини тәкитлигән.

“хәлқ” ториниң нәқил қилишичә, җов йүнкаң турмуш сәвийиси һәққидә тохтилип мундақ дегән: террорлуқ, миллий бөлгүчилик вә диний әсәбийлик қатарлиқ “уч хил күчләр” ни йилтизидин қомуруп ташлаш үчүн, бул хил хизмәтләрдә йеза-қишлақ вә кәнт-мәһәллиләр алдинқи орунға қоюлуши керәк.

Җовниң бу сөзлири уйғур елидә муқимлиқ намидики бастуруш салмиқи йәнә ашурулған, уйғурларниң хитай һакимийитигә қаршилиқ көрситиш һәрикәтлириму бирқәдәр көпәйгән мәзгилгә тоғра кәлди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.