Хитай даирилири уйғур елидә йәнә бир қисим тор бәтлириниң ечилидиғанлиқини елан қилди

Хитай даирилири 5 - феврал уйғур елидә йәнә бир қисим тор бәтлириниң "чәклик даиридә" ечилидиғанлиқини елан қилди. Тәңритағ торида көрситишичә, бу һәқтики учурни уйғур аптоном райони ахбарат ишханиси дәлиллигән.
Мухбиримиз җумә
2010-02-06
Share

Хәвәрдә мундақ дейилгән: "хәлқниң интернеткә болған тәлипини қандуруш үчүн, 5 - феврал саәт 24 тин башлап, қоллинишчанлиқи юқири, тор абонитлири яхши көридиған шинҗаң сиртидики 27 хил тор бети кәйни -кәйнидин чәклик даиридә ечилиду".

Хәвәрдә йәнә, шинхуа тори муназирә бетиниңму ечилидиғанлиқи көрситилгән. Хәвәрдә бу тор бәтлириниң "аптоном районниң қәдәмму - қәдәм ечиш принсипиға асасән" ечилидиғанлиқи тәкитләнгән.

Хәвәрдә, бу нөвәт ечилидиған тор бәтлириниң тизимлики берилгән болуп, буларниң асасән һөкүмәт игидарчилиқидики хәвәр - учур торлири икәнлики мәлум.

Хитай 2009 - йилидики "5 - июл вәқәси"дин кейин, уйғур елиниң барлиқ интернет алақисини үзүвәткән вә хәлқаралиқ телефон мулазимитини бикар қилған иди.

Уйғур елидә вәқә йүз берип, аридин йерим йилдин көпрәк вақит өткәндин кейин, хәлқаралиқ телефон алақиси қисмән әслигә кәлтүрүлгән болсиму, айрим һөкүмәт ахбарат торидин башқа барлиқ интернет тақақ һаләтни сақлап кәлмәктә иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт