Қазақистан яшлири уйғур өсмүрни қутулдуруш үчүн һәрикәт қилмақта

Қазақистан уйғур яшлириниң “үмид” намлиқ тәшкилатиниң актип һәрикәт қилиши вә қазақистан җумһурийәтлик уйғур миллий мәдәнийәт мәркизиниң һәмкарлишиши  нәтиҗисидә 10-ноябир күни алмута шәһиридә мәхсус хәйрхаһлиқ консерти өткүзүлидиған болуп, консерттин чүшкән пулларниң һәммиси кесәл өсмүр әзиз һаширофниң бөрикини алмаштуруп һаятини сақлап қелишқа ишлитилидикән.

Қазақистан яшлириниң мәхсус тор бетидики учурдин мәлум болушичә, бу консертқа қазақистанда тонулған уйғур нахшичилиридин зулпиқар зайитоф қатарлиқ чолпанлар һәм “аманнисахан” вә “нава” қатарлиқ усул гуруппилириниң артислири қатнишип оюн қойидикән.

Нөвәттә, қазақистан уйғур яшлири җәмийити “үмид” уйғур өсмүрни қутулдуруш үчүн ианә йиғиштәк хәйрхаһлиқ ишлирини актип давамлаштурмақта.