Үрүмчи шәһәрлик оттура хәлқ сот мәһкимисидә сот җәрянини үн вә синға елиш йолға қоюлған

Йеқинда хитайниң қанун системисиға аит хәвәрләрдин биридә, буниңдин кейин хитайниң сотлирида сот җәрянини үн вә синға елиш йолға қоюлидиғанлиқи билдүрүлгән иди.
Мухбиримиз шөһрәт һошур
2010-12-07
Елхәт
Пикир
Share
Принт

Шинҗаң хәвәр ториниң бүгүнки хәвиридин қариғанда, бу түзүм үрүмчи шәһәрлик оттура хәлқ сот мәһкимисидә мушу айниң 1 ‏-күнидин башлап рәсмий йолға қоюлушқа башлиған. Мәзкур мәһкиминиң 43 сотханисиниң һәммисигә үн-син үскүнилири орунлаштурулуп болған. Түзүм бойичә сот җәряни үн вә сингә елинип оптикилиқ дискиға көчүрүлгәндин кейин архипқа қоюлған. Хәвәрдә билдүрүлүшичә, мәзкур түзүмниң ғайиси, дәвагәр оттура сотниң һөкүмигә наразилиқ билдүрүп, алий сотқа әрз сунғанда, оттура соттики җәрянниң тоғра вә толуқ һалда қайта қарап чиқилишиға капаләтлик қилиш үчүндур.

Хитайниң бу түзүмгә алақидар хәвәрлиридә, сот җәрянини үн-сингә елиш түзүминиң сиясий делолардиму йолға қоюлидиған- қоюлмайдиғанлиқи билдүрүлмигән. Адәттә хитай қанун органлири миллий вә сиясий мәсилиләргә четишлиқ делоларда һәр вақит қанунда бекитилгән өлчәмләрни бир чәткә қайрип қоюп, һөҗҗәттә бәлгиләнгән өлчәмләргә асасән иш тутмақта. Әгәр үн-сингә елиш вә архип қалдуруш түзүми сиясий делолар үчүнму йолға қоюлған тәқдирдә, уйғур районида бүгүн мутләқ көп сандики сиясий мәһбуслар дуч келиватқан увалчилиқларниң кәлгүсидә һесаб-сорақсиз қалмаслиқи үчүн пайдилиқ дәп қаралмақта.

Пикирләр (0)
Share
Толуқ бәт