Хитай, аққун ишчиларға иш имканийити яритишқа чақирди

Хитай дөләт кабинети шәнбә күни бир уқтуруш чүшүрүп йәрлик һөкүмәтләрни, дуня пул муамилә кризиси нәтиҗисидә ишсиз қилип, өз шәһәрлиригә қайтқан аққун ишчиларға иш имканийити яритишқа чақирди.
Мухбиримиз өмәр қатат
2008-12-20
Share

Шинхуа агентлиқиниң хәвәр қилишичә, хитай дөләт кабинети тәрипидин өлкилик һөкүмәтләр вә һәрқайси минситирлиқларға тарқитилған уқтурушта, аққун ишчилар мәсилисиниң дөләтниң иқтсадий вә иҗтимаий тәрәққияти билән мунасивәтлик җиддий вә һәл қилишқа тегишлик бирмәсилә икәнлики тәкитләнгән.

Америка бирләшмә агентлиқиниң хәвәр қилишичә, дуня пул муамилә кризиси нәтиҗисидә хитайда күнсери көпийиватқан ишсизлиқ мәсилиси, хитай рәһбәрлири арисида хитайда бир топилаң чиқип қилиши тоғрисида әндишә яратмақта.

Хәвәрләргә қариғанда, хитай һөкүмити болупму, дуня пул муамилә кризиси нәтиҗисидә ишләватқан карханилири тақалғанлиқи үчүн, өз шәһәрлиригә қайтишқа мәҗбур болған аққун ишчиларниң бир қалаймиқанлиқ чиқирип қилишидин әндишә қилидикән. Шуниң үчүн хитай рәһбәрлири аққун ишчилар мәсилисигә җиддий қарап, уларниң хитайда бир топилаң чиқиришниң алдини елиш үчүн түрлүк тәдбирләр елишқа башлиған.

Дуня пул муамилә кризисниң оттуриға чеқишидин кейин, хитайда йеза-қишлақлардин келип шәһәрләрдики фабрика вә карханиларда ишләватқан милйонлиған ишчи ишсиз қелип өз юртлириға қайтишқа мәҗбур болған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт