خىتاي ج خ مىنىستىرلىقى بىر چوڭ تېررورلۇق گۇرۇھىنى پاش قىلغانلىقىنى ئېلان قىلدى

مىنىستىرلىق مەزكۇر دېلونىڭ تەپسىلاتى ھەققىدە پەيشەنبە كۈنى تەپسىلىي مەلۇمات بېرىدىغانلىقىنى ئۇقتۇرغان. خىتاي ھۆكۈمىتى 2008 ‏- يىللىق ئولىمپىك ھارپىسىدىن بۇيان، بىر قانچە قېتىم تېررورلۇق گۇرۇھلىرىنى قولغا چۈشۈرگەنلىكىنى ئېلان قىلغان؛ ئەمما ئارقىسىدىن بۇ گۇرۇھلارنىڭ تەپسىلىي ئەھۋالى ھەققىدە مەلۇمات بېرىشنى رەت قىلىپ كەلگەن.

بۇ سەۋەبتىن شۇ يىلى ئايروپىلانغا ئوت قويۇشقا ئۇرۇندى دەپ ئەيىبلەنگەن 18 ياشلىق ئۇيغۇر قىزى گۈزەلنۇر تۇردىنىڭ ئاقىۋىتى ھازىرغىچە ئېنىقسىز تۇرماقتا. خىتاي يەنە بۇلتۇر 12 ‏- ئايدا، كامبودژادىن قايتۇرۇپ ئەپكەتكەن 20 ئۇيغۇرنىڭ ئىچىدە بەزىلىرىنىڭ ئوت قويۇش ۋە پارتلاتقۇچ ياساش قىلمىشى بارلىقىنى بىلدۈرگەن بولسىمۇ، ئەمما ئۇلارنىڭ قانداق بىر تەرەپ قىلىنغانلىقىنى ھازىرغىچە دۇنيادىن يوشۇرۇپ كەلمەكتە.