Хитай җ х министирлиқи бир чоң террорлуқ гуруһини паш қилғанлиқини елан қилди

Бирләшмә агентлиқ қатарлиқ хәлқара ахбарат вастилириниң хәвәр қилишичә, бүгүн җ х министирлиқи бир чоң террорлуқ гуруһини паш қилғанлиқини елан қилған. Хәвәрләрдә билдүрүлүшичә, җ х министирлиқиниң бу мәлумати мәзкур министирлиқниң бүгүнки тор хәвәрлиридә берилгән.
Мухбиримиз шоһрәт һошур
2010.06.22

Министирлиқ мәзкур делониң тәпсилати һәққидә пәйшәнбә күни тәпсилий мәлумат беридиғанлиқини уқтурған. Хитай һөкүмити 2008 ‏- йиллиқ олимпик һарписидин буян, бир қанчә қетим террорлуқ гуруһлирини қолға чүшүргәнликини елан қилған; әмма арқисидин бу гуруһларниң тәпсилий әһвали һәққидә мәлумат беришни рәт қилип кәлгән.

Бу сәвәбтин шу йили айропиланға от қоюшқа урунди дәп әйибләнгән 18 яшлиқ уйғур қизи гүзәлнур турдиниң ақивити һазирғичә ениқсиз турмақта. Хитай йәнә бултур 12 ‏- айда, камбоджадин қайтуруп әпкәткән 20 уйғурниң ичидә бәзилириниң от қоюш вә партлатқуч ясаш қилмиши барлиқини билдүргән болсиму, әмма уларниң қандақ бир тәрәп қилинғанлиқини һазирғичә дунядин йошуруп кәлмәктә.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.