Хитайниң" шенҗов 7 " намлиқ аләм кемиси қайтип кәлди

Хитайниң "шенҗов 7" намлиқ аләм кемиси йәкшәнбә күни кәчтә сақ - саламәт вәзиписини тамамлап қайтип кәлгән болуп, аләм кемиси ички моңғул яйлиқиға чүшкән.
Мухбиримиз үмидвар
2008.09.28

Хитайниң шинхуа агентлиқиниң хәвәр қилишичә, үч нәпәр учқучиниң һәммисиниң саламәтлики нормал болуп, башқа чатақ көрүлмигән.

"Шенҗов 7" намлиқ аләм кемисиниң илгирикидин пәрқлиқ тәрипи шуки, бу қетим хитай аләм учқучилири тунҗи нөвәт аләм кемисиниң сиртиға чиқип, бошлуқта меңип паалийәт қилған.

Һазир, хитай русийә, америкидин кейин аләм учқучилири аләм бошлуқида меңип паалийәт қилған дөләт болуп қалған. Бир нәпәр учқучи он нәччә минут бошлуқта маңған.

Хитай 2003 - йили тунҗи қетим "шенҗов 5" намлиқ аләм кемисини учурған болуп, яң ливей хитай тарихидики тунҗи аләм учқучиси болуп қалған иди. 2005 - Йили хитай "шенҗов 6" намлиқ аләм кемисини учурған болса, бу қетим үч адәм басқан аләм кемисини учурди.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.