Хотән вилайәтлик сот икки уйғурни түрмә җазасиға һөкүм қилди

Хитай йәрлик һөкүмити хотән вилайәтлик сот мәһкимиси икки уйғурға сиясий җинайәтләр билән 15 вә 8 йиллиқ қамақ җазаси бәргән болуп, уйғур кишилик һоқуқ тәшкилати бу һәқтә баян елан қилип, буни хитай һөкүмити уйғурларға қаратқан бастуруш сияситиниң мәһсули икәнликини оттуриға қойди.
Мухбиримиз җүмә
2009.03.17

Бу һәқтә тохталған уйғур миллий һәрикитиниң рәһбири, хәлқара уйғур демократийә вә кишилик һоқуқ җәмийитиниң рәиси рабийә қадир ханим, һәр иккила намайишниң тинч йосунда елип берилған намайишлар икәнликини, әмма бу икки яшқа берилгән еғир җазаларниң хитай һөкүмитиниң уйғур өктичиләргә қаратқан қаттиқ сиясәтлирини ашкарилайдиғанлиқини илгири сүргән.

Рабийә қадир ханим мундақ дегән: " байрақ чиқиришқа урунуштәк кичиккинә һәрикәтләрму, нәччә йиллиқ қамақ билән җазалиниду. Буни мәнму бешимдин өткүзгән болуп, бу вәһшийлик һәм инсан қелипидин чиққанлиқ."

Мәлум болушичә, абдуқадир мәхсум хитай түрмисидә намәлум сәвәбләр түпәйли һаятидин айрилған уйғур вәтәнпәрвәр содигәрниң өлүмигә наразилиқ билдүрүп, 2008 - йили 27 - феврал, хотәндә намайиш тәшкиллигән болуп, униңға 15 йиллиқ қамақ җазаси берилгән.

Униңдин башқа йәнә, хотәнлик яш мәмәт ели әхәткә, шәрқи түркистанниң ай юлтузлуқ көк байриқини хотән шәһәр мәркизидики сабиқ хитай рәиси мавниң һәйкилигә есишқа урунған дегән җинайәт билән 8 йиллиқ қама җазаси берилгән.


Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.