Хитай миллий язғучиларниң әсәрлирини нәшир қилиш лайиһисини ишқа кириштүрди

Уйғур аптоном районлуқ парткомниң вә һөкүмәтниң биваситә тәшкиллиши һәм мәбләғ аҗритиши билән << шинҗаңдики миллий әдәбий әсәрләр иҗадийити вә миллий һәм хитай тили тәрҗимә әсәрлири қурулуши>> дәп аталған мәхсус миллий язғучиларниң әсәрлирини хитай тилиға, хитай тилидики әсәрләрни миллий тилларға тәрҗимә қилиш шуниңдәк миллий әдәбият әсәрлирини нәшир қилишни муддиа қилған мәхсус бир лайиһә 21- өктәбирдин етибарән ишқа киришкән.
Мухбиримиз үмидвар
2011-10-23
Share

Шинхуаниң  бу һәқтики  хәвиридики учурларға асасланғанда,  мәзкур пилан лайиһиси уйғур қатарлиқ  хитай әмәс милләтләр язғучилириниң  әдәбий әсәрлирини һәмдә  хитай вә  уйғур қатарлиқ тиллардин бир-биригә  тәрҗимә қилинған әсәрләрни топлап, нәшир қилиш үчүн мәбләғ билән тәминләш һәм ярдәм беришни мәқсәт қилидикән.

  Һазирғичә  уйғур аптоном районлуқ  язғучилар җәмийити  уйғур қатарлиқ һәр қайси милләт язғучилириниң   роман, повест, шеирлар топлими, әдәбий обзорлар топлими вә  тәрҗимә әсәрлиридин болуп, 92 парчә китабни  таллап бекиткән.  Мәзкур лайиһигә таллинидиған әсәрләргә қаттиқ тәләп қоюлидиған болуп,  үч хил баһалаш җәрянини баштин кәчүрүп, әң ахирида муқимлаштурулидикән.

Мәлум болушичә, 1949-йилидин тартип һазирғичә уйғур елидики уйғур язғучиларниң  қәлими билән йезилип нәшир қилинған романлар тәхминән 200 әтрапида болуп,  йәнә көплигән нәшир қилинишни күтүп турған  романлар, повестлар  вә башқа хилдики әсәрләрниң барлиқи,  бирақ  уйғур язғучилириниң иқтисадий қийинчилиқ , сиясий  вә идеологийилик контроллуқлар түпәйлидин  өз әсәрлирини әркин нәшир қилишқа еришәлмәйватқанлиқи инкас қилинмақта.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт