Шинҗаң хәлқаралиқ йәрмәнкә мәркизиниң қурулуши пүтүш алдида турмақта

Хитай йәрмәнкә үчүн шинҗаң хәлқаралиқ йәрмәнкә мәркизи намида чоң бир қурулуш елип бериватқан болуп, бу қурулуш нөвәттә ахирлишиш басқучиға киргән. Хитайчә яшин ториниң бүгүнки хәвиридә билдүрүшичә, мәзкур йәрмәнкә мәркизидә 6 чоң мәйдан вә 5000 әтрапида ханә бар болуп, бу явропа вә асия дөләтлиридин келидиған нәччә онмиң зиярәтчини сиғдуруш имканиға игә.

Мәлум болушичә хитай һөкүмити йәнә бир тәрәптин бу 5 бәш күнлүк йәрмәнкиниң бихәтәрлик ишлиридин әндишә қилмақта. Чүнки адәттә буниңға охшиған чоң хәлқаралиқ паалийәтләр, шу дөләтләрдики исянкар гуруппиларниң өзини көрситиш вә дуняға авазини кәңри яңритивелиш үчүн сорун вә пурсәтму яритип бәргән.

Аптоном районлуқ җамаәт хәвпсизлик назарити бүгүн мәзкур хәлқаралиқ йәрмәнкиниң бихәтәрликни қоғдаш һәққидә мәхсус йиғин вә маневир өткүзгән. яшин ториниң бу һәқтики хәвиридә маневирниң ғәлибилик өткәнлик баян қилинған.

5-Июл вәқәсидин бурунму хитай қораллиқ қисимлири үрүмчидә бир қетим террорлуққа қарши маневир өткүзгән вә маневирниң утуқлуқ болғанлиқини елан қилған иди.