Хитай җамаәт хәвпсизлик минситирлиқиниң үрүмчи шөбиси зәһәрлик чекимликкә қарши чоң һәрикәт башлайдиғанлиқини җакарлиди

 Хәвәрдин мәлум болушичә, бу йил 3 ‏ - айда, хитайниң үрүмчидики таможнисида, афғанистанниң кабул шәһиридин киргән маллар ичидә, қолда тоқиған 100 данә геләмгә йошурулған 47 килограм хероин байқалған икән. Бу мал үрүмчидики аминә исимлик бир аялниң намида киргән болуп, у афғанистандики зәһәрлик чекимлик тиҗарәтчилиридин икән.

Хәвәрдә ейтилишичә, хитай сақчи даирилири шинҗаңда, 'алтун һилал ай' намидики зәһәрлик чекимлик әткәсчилиридин 40 нәпәр җинайәтчи тутулди, буларниң көпинчиси пакистан, таҗикистан, қазақистан вә афғанистанлардин кәлгән, дәп җакарлиған.

Шундақла йәнә, хероинни инчикә пластик туруба ичигә юшуруп, уни 'афған гилими' дәп тоқуп чиқиш яки пәнәркә тахтиниң қатлириға йошуруш - зәһәрлик чекимлик әткәсчилири қоллиниватқан йеңи чарә, буни җуңго таможнилири байқиди, дегән.