Xitayda süpetsiz süt parashokidin zeherlen'gen balilar téximu köp bolushi mumkin

Xitay hökümiti düshenbe küni pütün xitay baziridiki balilar süt parashokliri üstidin tekshürüsh élip baridighanliqini élan qildi. Melum bolushiche, 15 - séntebirge qeder shijyaju'ang senlu shirkiti ishlepchiqarghan senlu markiliq bowaqlar parashoki seweblik zeherlinip késellik körülgen balilar 1253ge yetken.
Muxbirimiz gülchéhre
2008.09.16
Share on WhatsApp
Share on WhatsApp

  Buning ichide ikkisi hayatidin ayrilghan, 913 nepirining hayati qutquzup qélin'ghan, arisida yene 53 nepirining saqliqi yenila xep ichide bolup jiddiy dawalash élip bérilmaqta iken.

Düshenbe küni chüshtin burun xébéy ölkisi xelq hökümitide échilghan axbarat élan qilish yighinida senlu guruhi mu'awin bash lédiri jang chénling, senlu bowaqlar süt parashokining bulghinishigha uchrighanlardin tazim arqiliq kechürüm sorighan.

Hazirgha qeder yenila 700 tonnidin artuq waqti ötken bu xil mehsulat xitay bazarlirida tarqilip yürmekte shundaqla senlu markiliq bowaqlar süt parashokining zeherlishige uchrighan balilar téximu köp bolushi mumkin iken. Bezi xewerlerde körsitilishiche, senlu guruhi intayin zor tölemge uchrishi mumkin.

Tekshürülüshiche, hazirgha qeder xitayda yene 69 shirket hem zawutning ishlepchiqarghan balilar süt parashoklirida mesile körülgen.

Bügün xitay sehiye ministirliqining 150 tin köprek süpet tekshürüsh organliri 24 sa'et ichide pütün xitay bazarliridiki bowaqlar süt parashokliri üstidin jiddiy hem qattiq tekshürüsh élip bérip, bir ‏ - ikki kün ichide netijisini élan qilidiken.

Xitay da'iriliri bügün'ge qeder zeherlik süt parashok mesilisige munasiwetlik 19 kishini qolgha alghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.