རྒྱ་གཞུང་ལ་ཞི་རྒོལ་གནང་བར་བཙོན་འཇུག་བྱས་འདུག

༄༅། །ཕྱི་ལོ་ ༢༠༡༢ ཟླ་ ༨ པའི་ཚེས་ ༢༥ ཉིན་བོད་ནང་སྔ་དྲོ་ཆུ་ཚོད་ ༨ །༣༠ ཙམ་ཞིག་ལ་ཁམས་དཀར་མཛེས་རྫོང་གི་ཁྲོམ་གཞུང་དུ། དཀར་མཛེས་དགའ་ལྡན་ཆོས་གླིང་དགོན་གྱི་བཙུན་མ་བཤད་སྒྲུབ་ལྷ་མོ་ལགས་ཀྱིས། ༸རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོར་བརྟན་པར་ཤོག བོད་ལ་རང་དབང་དགོས། ༸རྒྱལ་བ་བསྟན་འཛིན་རྒྱ་མཚོ་བོད་ལ་གདན་འདྲེན་ཞུ་དགོས་ཞེས་སོགས་ཀྱི་སྐད་ཤུགས་ཆེན་པོས་ཞི་རྒོལ་ཐོག་ཁྲོམ་སྐོར་བྱས་ཞོར་ཡིག་ཆ་མང་པོ་གཏོར་ཡོད་འདུག འོན་ཀྱང་ཁོང་གི་ཡིག་ཆའི་ནང་དོན་གང་ཡིན་གསལ་ཁ་མ་ཤེས་ཀྱང་དུས་ཡུན་ཐུང་ངུ་ལས་མ་འགོར་བར་རྒྱ་གཞུང་གི་ཉེན་རྟོག་པ་འབྱོར་ཏེ་ཁོང་ལ་ཉེས་རྡུང་ཚད་མེད་གཏོང་བཞིན་འཛིན་བཟུང་བྱས་འདུག    ཞིབ་ཕྲ་བསོད་ནམས་དབང་འདུས་ཀྱིས་བཏང་བའི་གནས་ཚུལ་ལ་གསན་རོགས།།