རྒྱ་ནག་གི་དམག་སྤྱི་མཐོ་གྲས་ཤིག་འཇུ་བཟུང་བྱས་འདུག


2016.08.26
རྒྱ་ནག་གི་དམག་སྤྱི་གཞོན་པ་Wang Jianping 2014/3/10 རྒྱ་ནག་གི་དམག་སྤྱི་གཞོན་པ་Wang Jianping 2014/3/10
Ruters

རྒྱ་ནག་གི་དམག་སྤྱི་གཞོན་པ་(Wang Jianping)་ཡིས་ལྐོག་ཟ་རུལ་སུངས་བྱས་པའི་ཉེས་མིང་འོག་འཛིན་བཟུང་བྱས་འདུག
རྒྱ་ནག་གཞུང་གིས་ཚེ་བཙོན་ཁྲིམས་ཆད་བཏང་བའི་རྒྱ་ནག་གི་རྒྱལ་སྲུང་དཔོན་རིགས་མཐོ་ཤོས་Zhou Yongkang་དང་བློ་ཐག་ཉེ་བའི་རྒྱ་ནག་གི་དམག་སྤྱི་གཞོན་པ་Wang Jianping་ཡིས་རྒྱ་ནག་གུང་ཁྲན་ཏང་གི་སྒྲིག་གཞི་དང་བརྒལ་འཛོལ་དང་ལྐོག་ཟ་རུལ་སུངས་བྱས་པའི་ཉེས་མིང་འོག་འཛིན་བཟུང་བྱས་འདུག
དེ་ཡང་South China Morning Post་ཞེས་པའི་གསར་ཤོག་གིས་གནས་ཚུལ་སྤེལ་དོན་ལྟར་ན། སྟོབས་ཤུགས་ཆེ་བའི་རྒྱ་ནག་གི་དབུས་དམག་སྲིད་ཚོགས་ཆུང་འོག་དམག་སྤྱི་གཞོན་པའི་གོ་གནས་ཡོད་པ་རང་ལོ་༦༢་ལ་སོན་པའི་དམག་དཔོན་Wang Jianping་ཡིས་ཟི་ཁྲོན་ཞིང་ཆེན་གྱི་གྲོང་ཁྱེར་ཁྲིན་ཏུའི་ནང་བལྟ་སྐོར་བྱེད་བཞིན་པའི་སྐབས་སུ་འདི་ཚེས་༢༥་ཉིན་གཟའ་ཕུར་བུའི་ཉིན་རྒྱབ་ལ་འཛིན་བཟུང་བཙན་འཁྲིད་བྱས་སྐོར་དང་། ཡང་ཁོང་གི་བཟའ་ཟླ་དང་དྲུང་ཡིག་Su Haihui་ཞེས་བ་དེ་སྔ་དྲག་ཆས་གོ་མཚོན་ཐོག་པའི་ཉེན་རྟོག་པ་ཚོར་སྦྱོང་བརྡར་སྤྲོད་མཁན་ལས་ཁུངས་ཀྱི་འགན་འཛིན་གཞོན་པ་གཉིས་ཀྱང་ཉིན་དེ་རང་ལ་འཛིན་བཟུང་བྱས་སྟེ། རྒྱ་ནག་གི་རྒྱལ་ས་པེ་ཅིན་ལ་བཙན་ཁྲིད་བྱས་སྐོར་མིང་འདོན་བྱེད་འདོད་མེད་པ་ཞིག་གིས་བརྗོད་འདུག
ཕྱི་ལོ་༢༠༡༣་ལོར་རྒྱ་ནག་གི་སྲིད་འཛིན་ཞེ་ཅིན་ཕེན་གྱིས་ལྐོག་ཟ་རུལ་སུངས་ལ་རྡུང་རྡེག་ཚབས་ཆེ་བཏང་བ་ནས་བཟུང་རྒྱ་ནག་གི་དམག་མིའི་ཞབས་ཕྱི་ཞུ་བཞིན་པའི་སྐབས་སུ་ལྐོག་ཟ་རུལ་སུངས་ཀྱི་ནག་ཉེས་བཙུགས་ནས་འཛིན་བཟུང་བཙན་འཁྲིད་བྱས་པ་Wang་ནི་དམག་དཔོན་དང་པོ་དེ་ཡིན་པ་དང་། སྤྱིར་བཏང་རྒྱ་མིའི་དམག་དཔོན་འཛིན་བཟུང་བྱས་པ་གཉིས་པ་དེ་ཡིན་ཞིང་། ཁོ་པའི་སྔོན་ལ་རྒྱ་ནག་མི་མང་བཅིངས་བཀྲོལ་དམག་མིའི་མཁའ་དམག་གི་དམག་དཔོན་དང་། རྒྱ་ནག་དབུས་དམག་དོན་ལས་ཁུངས་ཀྱི་ཚོགས་མི་ཡིན་པ་རང་ལོ་༦༦་ལ་སླེབས་པ་Tian Xuisi་ཟླ་བ་སྔོན་མའི་ནང་རྒྱ་གཞུང་གིས་འཛིན་བཟུང་བྱས་ཡོད་པ་དང་། ཁོ་པ་དམག་དཔོན་འཛིན་བཟུང་བྱས་པ་ཐོག་མ་དེ་ཡིན་པ་དང་ཁོ་པ་རྒན་ཡོལ་དུ་ཕྱིན་ཟིན་པ་ཞིག་ཡིན་པ་རེད།
ཡང་རྒྱ་ནག་གཞུང་གིས་རྒྱ་ནག་དབུས་ཆབ་སྲིད་རྒྱུན་ལས་ཟུར་པ་ཀྲུག་ཡོན་ཁང་ཕྱི་ལོ་༢༠༡༣་ལོར་འཛིན་བཟུང་བྱས་སྟེ། སྔ་ལོ་༢༠༡༥་ལོའི་ཟླ་༥་པའི་ནང་རྒྱ་ནག་ཐེན་ཅིན་མི་དམངས་འབྲིང་རིམ་ཁྲིམས་ཁང་གིས་ཚེ་བཙོན་གྱི་ཁྲིམས་ཆད་བཅད་ཡོད་པ་རེད། ཀྲུག་ཡོན་ཁང་དང་བློ་ཐག་ཉེ་བའི་རྒྱ་མིའི་དམག་དཔོན་Wang་དང་Xu་གཉིས་ལ་ཡང་ཕྱི་ལོ་༢༠༡༤་ལོ་ནས་བཟུང་དཔྱད་ཞིབ་བྱེད་འགོ་བཙུགས་ཡོད་པ་རེད།

གསར་འགོད་པ་སྟག་ལྷ་རྒྱལ།

བལྟ་བཤེར་མང་ཤོས་བྱས་པའི་གནས་ཚུལ།
RFA
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུའི་འཕྲོད་བཞེས་སྤྱིའི་ཆ་ནས་ཧ་ཅང་ཡག་པོ་ཡོད་པ་སྲིད་སྐྱོང་མཆོག་གིས་གསུངས་བྱུང་།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
ཨ་རིའི་གསང་བའི་ལས་ཁུངས་ཀྱིས་དེ་སྔ་བོད་དམག་ཚོར་གསང་བའི་དམག་སྦྱོང་སྤྲོད་ཡུལ་དངོས་རྩད་ཆོད་འདུག
མཆན་འཇོག་རོགས།

གཤམ་དུ་ཡོད་པའི་འགེང་ཤོག་འགེང་ནས་སོ་སོའི་མཆན་བཀོད་རོགས་གནང་། མཆན་དེ་མ་ཐག་ཏུ་གཟིགས་མི་ཐུབ་པ་དང་འབྲེལ་ཡོད་འགན་འཛིན་གྱིས་ང་ཚོའི་སྒྲིག་འཛུགས་ཀྱི་ནང་དོན་སྤྱོད་ཕྱོགས་དང་བསྟུན་ནས་བསྒྱུར་བཅོས་དང་ཕྱོགས་སྒྲིག་བྱེད་དེ་དྲ་གནས་ཐོག་ཁྱབ་སྤེལ་བྱ་སྲིད། མཆན་གྱི་ནང་དོན་ཐད་ཨེ་ཤེ་ཡ་རང་དབང་རླུང་འཕྲིན་ཁང་ལ་འགན་གང་ཡང་མེད་པ་དང་། མཆན་གཞག་གནང་སྐབས་གཞན་གྱི་ཚོར་སྣང་ལ་བརྩི་མཐོང་དང་དངོས་འབྲེལ་ལ་ཐུགས་སྣང་གནང་རོགས་ཞུ༎