ཧོང་ཀོང་ནང་གི་འགྲོ་བ་མིའི་ཐོབ་ཐང་དང་རང་དབང་ལ་རྒྱ་ནག་གཞུང་གིས་སྲུང་བརྩི་ཞུ་དགོས་པའི་འབོད་སྐུལ།
འཛམ་གླིང་སྟོབས་ཆེན་རྒྱལ་ཁབ་བདུན་དང་ཡུ་རོབ་སྤྱི་མཐུན་གྱི་སྐུ་ཚབ་ཚོས་རྒྱ་ནག་གཞུང་ནས་ཧོང་ཀོང་ནང་འགྲོ་བ་མིའི་ཐོབ་ཐང་དང་རང་དབང་ལ་སྲུང་བརྩི་ཞུ་དགོས་པའི་འབོད་སྐུལ་གནང་ཡོད་འདུག
ཨེ་ཨེཕ་པི།
དེ་ཡང་G-7 འམ་ཨ་རི་དང་དབྱིན་ཡུལ། ཕ་རན་སི་། ཁེ་ན་ཌ། ཨི་དྲ་ལི། ཉི་ཧོང་བཅས་ལས་གྲུབ་པའི་འཛམ་གླིང་ནང་སྟོབས་ཆེན་རྒྱལ་ཁབ་བདུན་དང་དེ་བཞིན་ཡུ་རོབ་སྤྱི་མཐུན་གྱི་སྐུ་ཚབ་བཅས་ཐུན་མོང་གི་ཐོག་ནས་སྤྱི་བསྒྲགས་ཞིག་སྤེལ་ཡོད་པ་དེའི་ནང་། རྒྱ་ནག་མི་མང་འཐུས་མིའི་ཚོགས་ཆེན་ཐོག་གཏན་འབེབས་བྱས་པའི་སྒྲིག་གཞིའི་ཁོངས་སུ་ཧོང་ཀོང་མི་མང་ཚོའི་གཞི་རྩའི་ཐོབ་ཐང་ལ་བརྩི་མེད་རྡོག་རོལ་བཏང་ཏེ་འོས་བསྡུའི་ལམ་ལུགས་མེད་པ་བཟོ་ཐབས་བྱེད་པ་ཞིག་རེད་ལ་དེ་སྔ་རྒྱ་ནག་དང་དབྱིན་ཡུལ་གཉིས་དབར་བཞག་པའི་རྒྱལ་ཁབ་གཅིག་ལ་ལམ་ལུགས་གཉིས་ཟེར་བའི་ཆིངས་དོན་དང་ཡང་འགལ་གྱི་ཡོད་རེད། ལྷག་པར་དུ་ཧོང་ཀོང་མི་མང་ཚོའི་སྨྲ་བརྗོད་རང་དབང་དང་། མི་མང་གི་འདོད་མོས་ལྟར་འཐུས་མི་འདེམས་རྒྱུའི་རང་དབང་མེད་པ་ཆགས་ཀྱི་ཡོད་པ་སོགས་གང་ས་ཅིའི་ཐད་ནས་དཀའ་ངལ་འཕྲད་རྒྱུ་ཡིན་སྟབས་ང་ཚོས་རྒྱ་ནག་གཞུང་ལ་ཧོང་ཀོང་ནང་དེ་སྔ་དབྱིན་ཇིའི་མཉམ་བཞག་པའི་ཆིངས་དོན་གཞིར་བཟུང་གཞི་རྩའི་རང་དབང་སྤྲོད་དགོས་པ་དང་།ཧོང་ཀོང་ནང་སླར་ཡང་མི་མང་གི་ཡིད་ཆེས་བསྐྱར་གསོ་ཐུབ་ཐབས་བྱེད་དགོས་པ་ལས་མང་གཙོ་དང་རང་དབང་འཐབ་རྩོད་བྱེད་མཁན་ཚོར་སྡུག་སྦྱོང་གཏོང་རྒྱུ་མེད་ལུགས་འབོད་སྐུལ་གནང་ཡོད་པ་བཅས་རྒྱ་ནག་གཞུང་དང་ཧོང་ཀོང་ས་གནས་སྲིད་གཞུང་ནས་སྔ་ལོ་ཧོང་ཀོང་ནང་རྒྱལ་ཁབ་བདེ་འཇགས་སྲུང་སྐྱོབ་ཞེས་པའི་ཁྲིམས་གཞི་གསར་གཏོད་བྱེད་པའི་འོག་ནས་མང་གཙོ་དོན་གཉེར་བ་དང་སློབ་ཕྲུག་ལས་འགུལ་སོགས་མང་དག་ཅིག་ཁྲིམས་གཞི་དེའི་འོག་ནས་ཉེས་འཛུགས་འོག་འཛིན་བཟུང་དོ་དམ་བྱས་པ་དང་། དོན་གཉེར་བ་ཁག་ཅིག་ཧོང་ཀོང་ནས་ཕྱིའི་ཡུལ་གྲུ་ཁག་ལ་སྐྱབས་བཅོལ་ཞུ་དགོས་པ་བྱུང་ཡོད་པ་རེད།།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་གིས་རྒྱུན་གྲོན་མ་དངུལ་མཚམས་འཇོག་བྱས་རྐྱེན་ཨེ་ཤེ་ཡ་རང་དབང་རླུང་འཕྲིན་ཁང་གི་ལས་བྱེད་མང་ཆེ་བ་གནས་སྐབས་ཕོགས་མེད་ལས་མཚམས་འཇོག་དགོས་བྱུང་ཡོད།
- ཨེ་ཤེ་ཡ་རང་དབང་རླུང་འཕྲིན་ཁང་དང་ཨ་རིའི་རླུང་འཕྲིན་ཁང་གི་བོད་སྐད་སྡེ་ཚན་སྒོ་བརྒྱབ་ན་བོད་མིའི་སྐད་སྒྲ་མེད་པ་འགྱུར་ངེས་རེད་ཅེས་བོད་ཀྱི་གྲགས་ཅན་རྩོམ་པ་པོ་དང་སྙན་ངག་པ་ཚེ་རིང་འོད་ཟེར་ལགས་ཀྱིས་གསུངས་འདུག
- ༸གོང་ས་༸སྐྱབས་མགོན་ཆེན་པོ་མཆོག་ལྷ་ས་ནས་ཆིབས་ཐོན་མཛད་སྐབས་མགོན་པོ་ཕྱག་དྲུག་ལ་ཐུགས་སྨོན་མཛད་ཡོད་པ་ལྟར། མ་འོངས་པར་མགོན་པོའི་ཞལ་མཇལ་ཡོང་བའི་རེ་བ་ཡོད་པ་བཀའ་གནང་འདུག
- བོད་དོན་ཞུ་གཏུག་མཐུན་ཚོགས་ནས་རྒྱ་གར་གྲོས་ཚོགས་གོང་འོག་ནང་བོད་དོན་གླེང་སློང་ཡོང་ཆེད་ལྡི་ལིར་བོད་དོན་ཞུ་གཏུག་གནང་བཞིན་འདུག
- བོད་ནང་གི་བོད་མི་ཚོས་བོད་ནང་ཐོབ་དཀའ་བའི་གནས་ཚུལ་གྱི་འབྱུང་ཁུངས་ལྟེ་བ་རླུང་འཕྲིན་ཁང་སྒོ་རྒྱག་སྲིད་པར་ཐུགས་འཚབ་གནང་གི་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱལ་སྤྱིའི་གསར་འགྱུར་རང་དབང་རྩོད་ལེན་ཚོགས་སྡེ་ཁག་གིས་ཨ་རིའི་གཞུང་འཛིན་གསར་པས་ཨ་རིའི་གོ་ལའི་བརྒྱུད་ལམ་ལས་ཁུངས་མེད་པར་བཟོ་རྒྱུའི་ཐག་གཅོད་ལ་སྐྱོན་བརྗོད་དང་རྒྱ་ནག་གི་གསར་ལམ་ནང་དགའ་བསུ་བྱས་འདུག
- སྲིད་སྐྱོང་སྤེན་པ་ཚེ་རིང་ལགས་ཀྱིས་༸གོང་ས་༸སྐྱབས་མགོན་ཆེན་པོ་མཆོག་གི་༸སྐུའི་གོ་སྟོན་དང་འབྲེལ་བའི་ལས་གཞི་གལ་ཆེན་ཁག་གཅིག་སྤེལ་འཆར་ཡོད་སྐོར་གསུངས་པ།
- བོད་དང་ཆོས་རིག་གཉིས་ཀའི་ཐོག་འབྲེལ་ཐག་ཉེ་བའི་འབྲུག་ཡུལ་གྱིས་བོད་མིང་ལ་ཤི་ཙང་ཞེས་འབོད་འགོ་བཙུགས་པ་ནི་བློ་ཕམ་གྱི་གནས་རེད་ཅེས་ཉམས་ཞིབ་པས་འགྲེལ་བརྗོད་གནང་གི་འདུག
- གྲོས་ཚོགས་སུ་བཀའ་ཤག་མེད་པ་དང་སྤྱི་འཐུས་ལྷན་ཚོགས་འཚོགས་མི་ཐུབ་པ། གཏོང་ལེན་ཁྲིམས་ཡིག་གཏན་འབེབས་མ་ཐུབ་པའི་གནས་སྟངས་བྱུང་ནའང་། ལོ་འཁོར་སྔོན་རྩིས་བཀའ་འཁྲོལ་སྤྲོད་ཆོག་པའི་སྒྲིག་གཞི་བསྐྱར་བཅོས་ཀྱི་ཁྲིམས་འཆར་བཏོན་པ།
- ཨ་རིའི་རོགས་དངུལ་བཀག་སྐྱིལ་བྱས་རྐྱེན་སྔོན་རྩིས་ནས་གཅོག་ཆའི་རིགས་ཕལ་ཆེ་བ་ཚོགས་འདུའི་རིགས་ཡིན་སྟབས་སྔོན་རྩིས་ལ་དཀའ་ངལ་ཆེན་པོ་འཕྲད་གཞི་མེད་པ་དཔལ་འབྱོར་བཀའ་བློན་ནས་ལན་འདེབས་གནང་སོང་།